Juicy叮｜分享疑中伏渠王初体验 柳俊江：报价似炒紧必理痛

在家中遇到塞渠情况，相信不少人亦会在网上寻找通渠服务。不过，前新闻主播柳俊江近日则分享疑似中伏的「渠王初体验」，指报价由由750元升至7,500元，并直言「有啲似炒紧必理痛咁」，随即引起热议。

柳俊江日前在社交媒体以「渠王初体验」为题发文，提到家中厨房渠喉堵塞，洗衣机的水倒流，「搞到一地都系」。他随即在搜寻网站上随机联络一名「渠王」上门检查。他指，「佢拖2个喼上嚟，用部机震几下，话唔得，要升级，再攞条wire（金属丝）通落去，话通咗2米都唔得，要再升级，今次要喺个百宝喼攞2部机出嚟搞。」

请点击组图浏览：

柳俊江在网上寻找通渠服务。资料图片

他分享疑似中伏的「渠王初体验」。iStock图片

他指，「渠王」上门检查时不断以升级为由提高报价的价钱。iStock图片

他指，「但系我真心唔觉得件事好妥，就畀咗$1500打完场」。iStock图片

不少人分享类似经历。FB截图

不少人分享类似经历。FB截图

有网民指，「买定呢个以后自己搞」，柳俊江则回覆指「佢就系用呢嚿嘢收我$1500」。FB截图

有人则分享自行通渠的方法。FB截图

他续指，在短短半小时内，对方的报价由750元上升至1,500元，随后再上升至7,500元。他直言，「我觉得伏伏哋，话都系唔使喇，我谂其他办法」，对方闻言后即叫他还价。他指，「但系我真心唔觉得件事好妥，就畀咗$1500打完场」，并指「我唔系话佢唔啱，只系我直觉件事有啲伏，有啲似炒紧必理痛咁。敢问各位，通渠系咪就系咁嘅呢？」

相关帖文随即引起热议，不少人分享类似经历，并指「我有用过，仲好记得个名叫【XXX】，又系两个男人上嚟，一个斋讲一个斋做，条渠讲道由600变1800再变9600，畀完钱走咗之后上网睇番先发觉原来全行都系咁做， 仲好记得有成条片讲点样呃人」、「呢一班人系用呢啲手法做既野，呃得就呃～卖广告个的全部系佢哋同一班人～我有个客就系年初二爆水搵咗佢地，中咗佢哋招，被劏左成皮几」、「我中过，一模一样，每次搞一大轮话要升级，上咗3次唔同师傅，最后收咗13000蚊，隔几日又塞，再打去就死都唔听电话。连收据个盖章都系假，佢哋盗用咗人哋公司名同章，公司电话都系假」、「又系震震机，高压机，汤师傅吕师傅嘛，出晒名啦。你上网搵通渠九成都系呢两条X样」等。有网民指，「中过伏啦，升完又升，又话蒸气又高压又剩，所以买定呢个以后自己搞」，并分享一张在「下水道疏通器」的照片，在淘宝网站上的价格为近8元人民币，而柳俊江则回覆指「佢就系用呢嚿嘢收我$1500」。

有人则分享自行通渠的方法，并指「通渠其实乜都唔使，买条长水喉就得，我都咁样塞过，将条水喉队落去，系咁摄毛巾塞住隙位尽量令啲水唔会涌番出嚟，另一边要同水龙头扭实，用水压谷通佢，冲凉去水位最方便做，长花酒喉就做到」、「唔使搞咁多嘢，食用soda粉大概500g，成包／盒倒落去煲煲滚水倒落去，三几分钟就掂」、「买通渠水倒落去，过一个钟， 小心要用手套，还有耐唔耐， 倒梳打粉落去再加热水同醋， 拧开底部 u 形盖清洁， 用 木快子把像猪油的渍清除」等。

帖文来源：柳俊江FB

警方曾就类似情况采取行动

在2021年，消委会在过去3年接获超过70宗投诉，指有上门通渠服务公司标榜以「不成功不收费」作招徕，其中一些投诉涉嫌以欺骗手段夸大水渠淤塞问题，及以威吓手段迫使市民支付高昂及不合理的维修费。

警方商业罪案调查科接收消委会的个案跟进。调查发现，有人在网上刊登广告，指提供24小时上门通渠服务，并在电话声称一般只收取数百元维修费。可是，上门检查期间，他们以失实的陈述夸大水渠淤塞的问题，并讹称须以其他特殊方法处理该问题，藉以收取高昂及不合理的维修费。当市民拒绝接受他们讹称的服务时，他们便会以威吓手段迫使市民接受其服务。受害人在各宗案件分别被骗取数千甚至过万元的维修费用，却不能解决原有的水渠淤塞问题。警方在同年8月3日采取行动，以「欺诈」及「刑事恐吓」拘捕涉及多宗同类案件的一名32岁本地男子和一名35岁本地男子。

相关新闻：

上门通渠夸大淤塞威吓收高昂维修费 消委会3年接逾70宗投诉拘两男：https://bit.ly/3ZhtiNk

 

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ