独家丨51岁江美仪非「亲生女」争奖蚀底愿卖身TVB 15年 提议设双视后:同鲍姐一齐拎

51岁的江美仪凭台庆剧《下流上车族》内「度缩」车太晋身「最佳女主角」十强，跟「影后」鲍起静（鲍姐）、「民选视后」陈炜及「当紥姐仔」陈滢拗手瓜。转投TVB 13年的美仪，恨攞「视后」恨到出晒口：「学祥哥（黎耀祥）咁讲，人生有几多个十年？每十年要有进步，十年前夺『女配』，𠵱家拎埋视后最十全十美，因为再过多十年，就会变『终身成就奖』喇！」为争视后，美仪唔介意卖身TVB，恨不得签15年长约做亲生女，做到66岁就退休啱啱好。采访：方骞平 摄影：谭志光 场地：新都城国际百货

多咗观众缘嘅江美仪变得愈嚟愈省镜。

江美仪演技一流。

51岁的江美仪能否夺取今届视后？好快有分晓。

江美仪仲好有魅力。

汀美仪近年变得有观众缘。

全靠天时、地利、人和，今年江美仪遇到拥有好剧本、角色及对手的《下流上车族》，亦是她多年以来最有信心得奖的一次。台庆颁奖礼前夕，江美仪满怀期望：「平常面对罗，有就开心，冇就预咗，我提咗身边人唔好畀我太大压力，尤其妈妈话要攞飞去现场见证我得视后一刻，咁我都明嘅，喺阿妈眼中个女永远系最好，我怕佢哋会失望时，自己又会唔开心，所以都系睇淡啲好，不过，为咗尊重场合，经已拣咗靓靓战衣赴会。」

林敏骢和江美仪在《下流上车族》中演两公婆，擦出唔少火花。

好多情节都好感人。

江美仪、林敏骢及郭柏妍于TVB台庆颁奖礼前，在其他媒体举行的颁奖礼中获奖。

美仪背后有爸爸、妈妈及妹妹力撑。

同鲍姐齐提名当赢咗

叫美仪分析「视后」形势，她坦言也被考起：「其实真系好难，我戥有份评审嘅TVB高层头痛，陈滢嘅《痞子殿下》好好睇，记得播出时正值暑假，我妹妹都有追睇；而唐诗咏主演嘅《超能使者》系新剧种，又有话题性；陈炜嘅《回归》系重头剧，背景好劲，都系大热剧作；至于鲍姐经已系金像影后级数，尤其剧中佢对住个手机留言嗰场戏，原先发悔气闹爆个仔，但又惊激嬲阿仔，最终转变态度含泪哀求儿子唔好移民唔理佢，一个画面有3种情绪，属教学级演技，所有演员都应该睇吓，佢就算让半臂都赢晒，加埋论资排辈，输畀鲍姐系应该嘅，佢真系实至名归，冇可能赢到呢个对手，坦白讲，自己未够好，要叻到赢到鲍姐先算叻，我都未去到呢个位，同佢一齐提名就算赢咗。」

陈滢性感泳衣照比演技更吸引。

陈炜出埋泳装照嚟拉票，互不相让。

刘佩玥都系今年姐仔亮点。

年过50的江美仪仲Keep到好身形，有条件再演多15年。

美仪出动黑丝落力演出，为《下流》搏到尽。

鲍姐一个画面3个情绪，获赞系教学级演技。

原先发悔气闹爆个仔。

但又惊激嬲阿仔态度软化。

过多十年拎终身成就

不过，视《下流》为代表作的美仪坚持唔想让奖：「咁（让奖）又唔得，人生有几多个十年呀！每十年要有一个蜕变，再过多十年就拎终生成就奖㗎嘞，所以呢个奖对我嚟讲好重要。」恨攞奖的美仪愈讲愈兴奋，「你知我几惹是非，难得拍呢个剧冇畀人闹，观众又锺意我个角色，个剧咁受欢迎，一班演员又好无私咁团结演出，连林敏骢都好有分寸，佢会同我哋一齐癫，一齐返公司倾剧本…最好设双视后就皆大欢喜啦。」

跟鲍起静由亚视转战到TVB，美仪笑言两老阻住地球转。

江美仪跟两女「芊芊」郭柏妍、「蔓蔓」罗毓仪感情要好，约埋一齐食圣诞大餐。

《下流》演员团结一致，合作零是非。

林敏骢及江美仪因为太好戏，感染到两女儿「芊芊」郭柏妍、「蔓蔓」罗毓仪喺镜头后都爆喊。

大赞林敏骢都好有分寸，佢会一齐癫。

戏里戏外都好开心。

由于目前江美仪同TVB签一年一套剧，跟陈炜及陈滢比较，她并非TVB「亲生女」最输蚀，对此，她带笑向TVB发表效忠论：「听闻𠵱家TVB要求新人签 15年，我希望做15年TVB『亲生女』，最好当我新人咁捧，咁66岁我就退休。哈...」

跟陈滢比较，江美仪并非TVB「亲生女」可能较输蚀。

「亲生女」陈炜获TVB器重。

江美仪在2013年夺取台庆颁奖礼「女配」奖。

5年前江美仪喺剧集《亲亲我好妈》首做女一，换来大堆是非。

《星岛头条》APP经已推出最新版本，请立即更新，浏览更精彩内容：http://www.stheadline.com/