林芊妤搞网站曾被朋友搵笨 搵到钱唔使老公畀家用仲打算买楼

林芊妤（Coffee）今日为HOY TV节目《有种老板娘2》录影，自认是好老板的她指对待员工时会「将心比己」，又大赞员工亦会自动自觉帮忙做事，所以平日很少会闹他们。Coffee笑指由细到大都会被人搵笨，所以老公是她的军师兼最强后盾，Coffee表示做生意初期曾试过用约10万的价钱，找朋友设计网站搞到好麻烦：「当人哋买嘢嘅时候，个网站出现咗好多问题，白画面、Double payment、畀多左14次钱⋯⋯我第一次开卖嘅时候，两个钟卖晒所有嘅货，但之后用咗两个礼拜时间去退返钱同埋同啲客解释。」

Coffee俾朋友呃过，以后不相往来。

Coffee指前后在网站投资了2、30万，但钱就使咗运作仍然有好多问题。

Coffee指找回负责设计网站的人先知道，朋友原来只是中间人角色，更从中收取了九成的价钱，搞到设计网站的人与自己也好唔愤气：「梗系有闹佢，之后亦再唔系朋友，觉得呢次真系俾人搵笨，亦都信错人。」Coffee指前后在网站投资了2、30万，不过用了2年多后发现仍然有很多漏洞，所以亦要将网站搬去大平台，她指钱对她来说不是大问题，日后可以搵返：「以后要带眼识人，今次当买教训，以后都会更加小心，更加听我老公讲。（好庆幸有呢个老公？）系，佢做金融头脑比较清晰，每次有人问我借钱嗰啲我就会问老公，佢就会帮我衡量。」

Coffee指由结婚开始老公也没有畀家用，只给她一张附属咭买日用品，不过她只用了五次以内，因为自己有能力搵钱，所以不好意思用，她又透露自己现在想买楼，不过老公未必想在香港买：「我希望买层楼系我哋嘅，啲人话如果佢有咗第二个咁点？我又冇乜所谓，大家嘅财产都系一齐，所以我冇计呢啲嘢，但我觉得女仔有能力去搵钱同使钱，又可以帮助屋企，系一种能力同开心事。」提到她现时的赚钱能力比老公强，Coffee指不能这样计算，因老公有固定薪金：「我呢两年搵得多钱唔代表我之后都搵得多，所以我都好知悭识俭，唔会立乱买名牌，要好好计划我嘅未来，所以想投资买楼同做生意。」问到囝囝伯伯似谁？她笑指儿子很两极，似老公般内向及理性，但混熟了就似自己一样疯癫。

 

Coffee自己搵到钱所以唔使老公畀家用。

Coffee之前一家去咗日本过圣诞。

《星岛头条》APP经已推出最新版本，请立即更新，浏览更精彩内容：http://www.stheadline.com/