Juicy叮｜目睹同事经历令港女心淡辞职 反被男友批无聊矫情

有港女在网上发文指，早前一名已为人夫的男同事提早在太太预产期前夕请假，随后却被老板指骂并要求赶回公司，令她对上司感到心淡并毅然辞职。没想到，男朋友却批评她无聊及矫情。

该名港女早前向facebook专页「办公室日报」投稿，提到自己在去年11月初辞职，并分享自己的离职原因。她指，某天老板在步出房间后因有要事需寻找另一名男同事，获告知其太太的预产期将至，因此他已提早请假。老板随即要求致电对方，并在通话中表示「你老婆生又唔系你生，你请假帮到件事咩？」老板续指，「个客好急想要呀，快啲返嚟啦赶住呀！你搞掂晒啲嘢咪再去医院罗，呢度顶尽搞两三个钟，会唔会咁跷就系呢两三个钟出世呀？就算系都冇影响啦，唔通一出世见唔到你就唔当你系爸爸咩！」楼主直言，虽然自己与该名男同事并不相熟，亦并非要为对方抱打不平，但在听到老板的说话后感到心淡，「觉得继续留喺度帮呢种人做嘢好冇意义」，因此在考虑两日后决定辞职。

请点击组图浏览：

港女在目睹同事的经历后决定辞职。iStock图片

她事后与男朋友分享相关事件，男朋友却批评她无聊及矫情。iStock图片

有人支持楼主的做法，并认为事件可以令楼主看清男友及老板。FB截图

大部分人则建议楼主分手。FB截图

有人则分享类似情况。FB截图

有人则认为楼主太心急辞职。FB截图

楼主又指，「老细把口咁贱已经有前科，佢心地差亦都唔系第一日先知」，并提到一名女同事早前因为排政府医院割「朱古力瘤」而请假，「人哋排咗差唔多一年半咁长嘅时间，然后提早3个月同公司攞定假，呢个衰老细竟然临尾想人哋取消假期」。该名女同事随后向同事大呻，老板致电她并指「『朱古力瘤』好小事，唔需要赶住做手术，公事要紧喎」。女同事坚决取消预约并强调在3个月前已提早请假，亦已获老板答应。

相关新闻：

Juicy叮｜部门经理辞职后自愿减薪冀回巢 更向前老板提一自私要求：https://bit.ly/3QetAR8
Juicy叮｜为照顾病妻转工遇裁员致失业近1年 顾家港男食回头草遭同事奚落：https://bit.ly/3vUiAiF
Juicy叮｜港男狂追靓女同事 新年突收利是始知爱情梦碎：https://bit.ly/3WHxqoo

楼主续指，事后与男朋友分享相关事件，但指对方在得知她辞职后甚为惊讶，又指「吓！咁无聊？老细唔畀嗰个男同事陪老婆生仔，其实都唔关你事㗎喎！个男同事都未辞职啦！你唔好咁矫情啦！年尾流流搞埋啲咁嘅嘢！」相反，当楼主与家人谈及离职一事时则获家人支持，母亲更直言其老板不懂体谅别人，「呢种人心地唔好呀！」而楼主父亲则指，「东家唔打咪打西家罗，全香港又唔系得一间公司」。楼主又询问父母，「你哋会唔会觉得唔关我事，系我自己睇唔过眼走去辞职好无聊？」母亲则回答，「依家烧唔到你嗰叠啫，针唔桔到肉唔知痛，你阿爸讲得啱呀，大吉利是第日到你要生仔同请病假呢？」楼主直言，「年尾流流辞职，我就系要呢啲谅解同安慰，估唔到男朋友唔明白，屋企两个老人家反而仲明白。」

相关帖文随即引起热议，有人支持楼主的做法，并认为事件可以令楼主看清男友及老板，又指「辞职顺便睇清男朋友有无可能变老公」、「他日你有咩事要入院，你男朋友都可以讲佢又唔系医生，系医院都帮唔到你」、「真系见过有种人都好恐怖，唔抵得人哋幸福、见人哋惨就佢安乐…如果无家庭负担，辞职无可厚非呀」等。大部分人则建议楼主分手，「我就觉得，不如换埋个男朋友，分分钟个男朋友同佢老细一样都系咁衰」、「个老板跟唔过，个男朋友都要唔过」、「建议飞埋个男朋友，价值观唔同好难会改变到」、「可以连个男友都换埋」等。

有人则认为楼主太心急辞职，并指「如果系我，我会搵定工，但唔急于一时」、「个男朋友唔使要架喇，不过楼主都系冲动咗少少太快递信了，起码收埋DP/B仔先递吖」、「老实，我都会唔捞，但会搵到工先」等。另外，有人则分享类似情况，并指「我有同事入医院，我上司仲催佢交report」、「亲身经历，之前份工要挂牌，要我个人系现场工人先可以开工，半夜阿爷过身，要半夜赶番大陆，通知老细第二日搵人顶档，佢一句：好死唔死依家死，当堂心都淡埋」等。

帖文来源：「办公室日报」

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ