星8卦｜「孝哥」纵容烂赌老婆输身家 妻债夫还捱到病

做咗电视台30年先转去做电影？好多人都问我点解，咪因为一个字「穷」罗！鬼叫我老公搵钱唔够多咩，不过，有钱都未必系件好事，噚晚食饭大家先讲起阿「老前辈」仍然要出嚟捱，成日见到佢，因为老婆生前欠落一身赌债，过身后成条数过晒落「老前辈」身上，加上班仔女唔生牲，唔搵食就无钱过日子，睇见都心酸。

估唔到「老前辈」后继有人，圈中被一致认为「廿四孝老公」的孝哥，后生时情路坎坷，又结又离唔经唔觉已经娶咗3个老婆。有名你叫孝哥，佢人品真系不错，同第二任老婆出问题，系因为一直坚持对第一任照顾，个个月畀赡养费，连对方的新男友都帮手养埋，终于令当时老婆睇唔过眼，日嘈夜嘈终于分手收场。

现在即系第三任「孝嫂」样靓身材正，重点系好旺孝哥，婚后令佢事业渐进佳境，而孝嫂一直希望老公搵多啲钱，同一班阿太走得好埋，太太团靠打牌联谊，但牌技又唔叻，孝嫂输埋输埋都输咗半层楼。

阿太们又教孝嫂投资，买基金买股票，其实孝嫂好认真，认咗其中一位阿太做师父，眼见孝哥日捱夜捱只系搵有限钱，师父又好似几有运，买乜赢乜，于是将私己钱跟师父投资。

事实上孝哥渐渐发觉老婆染上了一铺博就有唔博就无的赌徒心态，对所有买卖都有兴趣，完全收不到手，而最惨孝哥最近身体出问题，仍然博老命北上，外人唔知内情，背后封佢做「恨钱怪」，其实是赌债夫还。

尤其近期大冧市，孝嫂输到冒冷汗，孝哥惟有带孝嫂去睇心理医生，希望情况会改善，由于想卖物业填氹又卖唔出，连孝哥自己都郁出病，认真头痕！

 

 

【其他文章】：

57岁陈慧娴晒惊人素颜照脸尖眼大五官轮廓零走样    网民惊叹：怎可能！

波波黄婧灵解放上围除夕性感骚丰满身材 网民抵死留言：2D 照片拍出3D效果

61岁利智激罕露近况 李连杰一家四口游尼泊尔 二女Jada帮手「泄蜜」

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ