75岁林子祥开骚阿妈缺席感触哽咽 一口气唱37首歌孖叶蒨文跳劲舞
2022-12-27 17:30 
殿堂级歌王林子祥（阿Lam）原定今年3月在亚博举行《林子祥开心演唱会香港站》，因疫情而延期至昨晚开骚，全场爆满。对于相隔3年终于可以跟大家见面，阿Lam在台上说：「我已经Smile咗三年，笑到梗咗。多谢你哋咁远都嚟睇，你哋个个打咗针喇？不过唔怕，你哋怕啲 ，因为我唱歌口水喷到好远，哈哈，今晚唔讲太多嘢，太多太多歌要唱畀你哋听。要讲，最近你哋睇新闻，话我系边度边度买咗间屋，假news ！唔好乜都信知唔知。」
【点击睇林子祥演唱会精彩片段】：
接著他感触说：「我同莎莉咁多年嘅演唱会，有三个大粉丝，永远都睇，每一个演唱会佢哋都睇，今晚佢哋三个都唔喺度， 一个系我妈咪啦，一个系莎莉.....(咽哽讲不下去)仲有两个系莎莉Daddy同妈咪，今晚演唱会系特别唱畀佢哋听…」音乐响起，阿Lam饮泣中唱了《分分钟需要你》，期间多次平复情绪，直到唱最后一首歌《每一个晚上》时，他感触跟观众道：「我哋呢几年经历过太多太多，我希望你哋每一个都身体健康！」
年届75岁的阿Lam，一口气唱了37首经典歌，不消半场已经令观众企晒起身又喊又欢呼跳舞。其中一节阿Lam 选唱不少经典电影主题曲，屏幕上播出他历年合作过女星的经典电影场面，有锺楚红、缪骞人、张艾嘉、杨紫琼、关之琳等等，最后安歌部份，莎莉现身，一起合体大唱70年代的士高medley，原来这一part系专登为香港观众新加，整个亚博化身一个大的士高，令气氛再次高涨到顶点。
因为今次只举行一场，所以阿Lam的好友纷纷前来棒场，与他一起过圣诞，台上台下都星光熠熠！
【点击睇台下嘉宾星闪闪】：
完骚后莎莉及阿Lam一同接受访问，问到阿Lam提到有三个大粉丝缺席而感触落泪，阿Lam说：「佢Daddy，妈咪唔喺度，所以...不过我妈仲喺度呀！只不过佢嚟唔到呢个骚。」莎莉补充说：「平时佢乜嘢骚都嚟睇嘅，不过佢今次唔舒服喺屋企休养，冇办法嚟睇骚。我妈咪Daddy 就上咗天堂，但我相信佢哋都一定系现场睇。」莎莉开心表示一直系控制台睇，觉得阿Lam做得好好并坦言「戥佢骄傲！」她更搞笑地说阿Lam并未邀请她做嘉宾：「系我夹硬塞入嚟，本来我剩系做和音，睇住佢呢首新鸡尾歌，跳舞又咁开心，跳得咁好，唔舍得唔跳，就跳埋一份！」演唱会，个个笑住走。」阿Lam就说：「咁话系Smile演唱会，见到观众反应咁开心，我都好满足，系呢个巡回嘅happy ending。」至于会否合体开演唱会，莎莉笑言：「哈哈，再讲啦，要畀阿Lam休息吓先！」阿Lam则表示：「我哋从来冇谂咁长远嘅事，哈哈，顺其自然，睇下点啦！」
【其他文章】：
落选港姐张光怡家住半山豪宅饱览维港靓景 客厅与饭厅偌大空间感劲多
刘嘉玲晒半山「艺术馆」级奢华复式豪宅 古典装修饭厅如同皇宫巨型吊灯极有气派
盘点50+女艺人最强黑丝造型！赵雅芝衬短裤似少女 周海媚衬旗袍有仙气
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应