奖门人开心感谢祭｜阿Sa蔡卓妍首次上节目与低胸麦玲玲同场斗性感

2022-12-18 22:00

最新一集《开心无敌奖门人》嘉宾阵容超重磅，包括有「一 Bob 即中队」林盛斌（Bob）、蔡卓妍（阿 Sa）、麦玲玲、沈震轩、汤怡及麦秋成，及「猪队友队」林夏薇、汤洛雯、谭俊彦、黄智贤、崔建邦及黄子恒！

是集「综艺大玩家」Bob 再次带队狂放笑弹，队员玲玲师傅与入行 22 年首次上《奖门人》的阿 Sa 仲大斗性感，非常搏命！话说第一回合「估嘢食」，「一 Bob 即中队」竟率先派出身形娇小的阿 Sa 孭起重量级代表阿 Bob，一开始阿 Sa 仍很轻松地赞件砵仔糕好好味，岂料后劲不继，当阿 Sa 再次乌低身食嘢时，已明显成身震晒兼要揿枱大嗌：「真系好重呀！」最爆笑是阿 Sa 之后仅以「平时我阿婆会整畀我饮」来形容「陈皮」，搞到跟「Sa 婆」素未谋面的 Bob 无奈苦呻：「我都唔识你阿婆……」由于 Bob 估极唔中，化身「人肉千斤顶」的阿 Sa 终于顶唔顺惨叫：「好痛呀我条腰，快啲估呀！」场面爆笑。

【点击睇《奖门人》精彩画面】：

先来大合照。

阿 Sa 孭住 Bob 食嘢，真系睇见都辛苦。

玲玲师傅「瞓身」玩，睇住张枱呀喂！

沈震轩咬住棵菜畀玲玲师傅闻，乜真系闻到咩？

视帝谭俊彦食到成面都系蛋卷碎。

Bob 同沈震轩呢个动作扮紧咩呢？

多口 Bob 得戚地嫌杯奶细，奖门人即识做换杯大嘅过佢，笑咗。

有人寸玲玲师傅（左二）企起身同坐低好难分，边个咁大胆？

「猪队友队」罚食辣辣寿桃包。

玲玲师傅好落力啜波，睇到啲队员好肉紧。

全场起哄叫「马国明」，汤洛雯即刻搞笑举手嗌停。

美女啜乒乓图。

阿 Sa 呢个动作其实系扮紧奖门人。

谭俊彦同林夏薇都玩得好投入。

沈震轩穿背心晒麒麟臂，睇到玲玲师傅心心眼。

Bob（左）同谭俊彦两个大男人撑住把迷你遮仔，好搞笑。

唔知第一次上《奖门人》嘅阿 Sa 玩得开唔开心呢？

林夏薇（左）、汤洛雯。

之后轮到身材姣好的玲玲师傅出场，她甫俯身即引起全场「哗哗声」，而同队的阿 Sa 亦绝不失色，她在「大电视」环节玩到小蛮腰都出埋嚟，相当吸睛！及后玩「弹遮遮」时，沈震轩也不让女士们专美，换上黑色背心的他晒出一双麒麟臂，连身旁的玲玲师傅也忍不住出手狂捽，并笑到见牙唔见眼兴奋谓：「哗！几好福利呀！」

继上月于台庆夜趣剧《一封信》中连灌 5 杯牛奶后，Bob 于「辣辣寿桃」环节再次上演「灌奶」经典场面，事缘游戏期间奖门人忽然「搬龙门」，明明赢 Game 的 Bob 被要求饮奶「贺一贺」，身旁的嘉乐即「食花生」笑称会配合对方说出《一封信》对白；此时没好气的 Bob 衰多口说：「咁细（杯）嘅？」奖门人闻言秒换「大杯奶」，Bob 即时唞大气，更喝骂仍寸「杯嘢太细杯」的嘉乐：「唔好再讲喇！」最后 Bob 一口气乾掉兼冇再呕奶，非常专业。另汤洛雯玩「啜乒乓」时恋情遭摆上枱，每当她上前啜波时，现场嘉宾、主持即起哄大叫其男友「马国明」三个字，搞到汤洛雯分晒心要嗌停，认真搞笑。

【其他阅读】：

雷颂德移居英国变室内设计大师亲操刀4间英式大宅逐间睇自住大屋极夸张

灯芯绒大王千金江钰琪嫁莎莎太子爷何猷亨做戥穿石蜜蜡脱腋毛求速战速决

陈炜性感大解放继续晒蜜月靓相激罕著比坚尼骚火辣身材为网民取暖

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ

關鍵字