世界杯2022｜专家分析:承先启后巴西新支柱
2022-12-16 10:59 
承先启后巴西新支柱
巴西喺今年人才鼎盛之下出局，令好多朋友都吓一跳。毕竟就算平时无接触足球，都真系「细细过就听过佢个名」，而且就连足球天书《足球小将》主角戴志伟嘅师父卢比度叔叔，以及世青篇Final Boss都系来自足球王国巴西。
巴西入面嘅大佬，就一定系队长泰亚高施华，年届三十八岁依然交出高水准表现，可惜长路有尽时，出局后佢心酸表示唔会再穿上国家队球衣。正当笔者都好担心一向称唔上团结嘅巴西队无咗呢位老大哥会分崩离析，估唔到会由一向予人感觉轻浮嘅尼马向呢位老大哥赠上心灵鸡汤，两位射失十二码嘅队友洛迪高高斯同马昆奴斯哥利亚，同样收到尼马短讯鼓励。似乎就算施华退落嚟，尼马呢位一直被认为活在美斯阴影下而场上表现夸张嘅球员，已不知不觉变成队友间的精神支柱。
尼马一度表示今届系佢最后一届世界杯，毕竟巴西人才辈出，下届世界杯尼马已达三十四岁，要竞争亦唔容易。但在出局后几位巴西队友都公开表示，希望尼马能继续为国效力，已变成老大哥嘅佢亦开腔表示会考虑。见到尼马喺球场内外处事都愈嚟愈成熟，笔者都好希望下届仲可以睇到佢充满森巴味嘅表现。 -球乐
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
關鍵字
最新回应