陈奕迅自爆停骚三年等到冇乜dream 晚晚瞓觉惊自己一睡不起
2022-12-10 13:20 
《陈奕迅Fear and Dreams香港演唱会》昨晚于红馆开锣，个唱由黑暗迷离气氛，渐变为欢乐缤纷，Eason慑人歌声，加上舞蹈员的怪异及夸张造型，配合红馆史上最巨型电子屏幕的画面，以及烟花效果，极具视听享受。Eason演唱《任我行》时，台顶吊下一红一蓝汽球，他拿起汽球，笑着向观众派心。其后，献唱金曲《与我常在》和《忘记歌词》，全场站立气氛热烈，台下太太徐濠萦与女儿、舒淇和冯德伦也起身挥手舞动。不过之后Eason唱《七百年后 》和《我们万岁》两度「甩嘴」，演唱《幸福摩天轮》时，Eason拿起纸巾抹耳仔，汗流满面地说：「唔好意思，啲水入咗去耳窿度惊电亲。」他除去一只耳机表示要听一下现场反应，全场大叫，他即说：「哗！咁正！好想锡晒你哋！」
【相关阅读】：
陈奕迅个唱用红馆破纪录巨Mon极震憾 徐濠萦病愈撑场18岁女罕露面双眼似足妈妈
陈奕迅演唱会狂洗版网民五大焦点！18岁囡囡康堤抢镜 粉丝镜头下Eason肥一圈？
Eason唱足全场，一直没正式开腔说话，他向台下观众笑说：「我唔suppose同你哋讲嘢，破坏晒我计划。」唱到大约十点半时表示最后一首歌，观众大叫「吓！」唱罢，他才开口表达这三年来的感受：「我唔系懒有型，真系搵唔到个位讲嘢。呢3年匿埋，18年度呢个骚…我唔系冇嘢讲，我好多嘢讲，但想留番啲气唱歌。度呢个骚想讲嘅嘢太多，本来度咗稿，但永远唔work讲唔到，太开心有你哋欢呼和支持声，好正好好听，最想讲嗰句『多谢你哋！』我唔习惯同人分享heavy嘢，除咗唱歌。」此时有女观众大叫「我爱你！」他笑说：「以我性格，男人都会锡埋去。好开心同大家spend时间，最好礼物系spend time with each other，好感动。」
Eason续说可能年纪大了很容易喊，以前一直工作没停过，没时间去思考：「呢个骚三年前停咗，有一样嘢卡住咗，喺度等唔知做乜…就系因为有时间等，就谂嚟谂去，愈谂愈惊…觉得使唔使咁应个骚Fear and Dreams，已经都冇乜dream…想揽下掂下都唔得，唔系唔信你，系唔信我，惊我系带菌者。」Eason又自爆恐怕自己一睡不起，「我只想做呢个骚，等到个人好惊，惊到一个地步系瞓觉之前，惊第二日起唔到身，如果起唔到身有咩要交代？电话password话畀边个听？银行啲钱使唔使捐咗去？畀边个？ 愈谂愈多，唔知点解会惊。唯一个办法就系唔谂，所有嘢控制唔到。我以前就系咁…唔关我事，其实到依家我都唔知件衫点解会系咁，靓唔靓由你哋讲，所以好多嘢唔谂。讲完咁多，唔好谂唔好讲，好好享受，最紧要系呢一刻，先系最真实。」Eason站在升降台上唱连串快歌，全场气氛高涨，最后encore献唱《游离份子》，不过Eason指着耳机似乎出现问题。
【其他文章】：
林秀怡妈妈罕有现身似韩国贵妇母女100%似样 离婚后独力养家母女相依为命
一文睇清吕方入行40年高低起跌 曾奉行不婚不育主义因一女子改变人生
首代新闻才女叶雅媛激罕露面外貌冻龄有气质 嫁名建筑师后淡出10年前因第三者离婚
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应