独家丨林作诊所度高171cm自High高过郭富城被笑矮过麦明诗新欢20cm不忿反击

2022-12-10 07:00

林作旧爱「十优港姐」麦明诗（Louisa）最近秘密跟昂藏六尺(183cm)的前副机师，现转行保险的绯闻男友盛劲为(Keith)同游北海道，由于Keith外型高大靓仔，有传媒将佢同林作比较，仲话后者得160cm。林作对此相当不满，他即相约《头条日报》记者到诊所度高，有图有片有真相，171cm无花无假，同盛生身高差绝对冇20cm！强调自己唔算矮仔的林作仲自high：「我分分钟多郭富城1公分呀！」最后仲话搭飞机当然要搭商务位，明寸32岁的盛生坐经济舱去旅行。采访：方骞平摄影：邓国良

林作除鞋度高，冇花有假，身高系171cm。

真系171cm。

林作否认急于澄清高度系怕比较，只系想提供返正确资料。

林作否认系矮仔。

林作自High高过郭富城。

形容自己高度完美。

麦明诗经常晒身材。

林作大大声公开自己171cm(5尺7寸)高，唔好屈佢：「话我系160就真系矮，咁讲系陷我不义。以我定义169以下，好似锺培生咁就系矮仔，过咗170系叫正常，但唔系高佬！我身高系完美嘅，同城城、木村拓哉差唔多，亦唔认同183会有乜著数，正常咪得罗，过往分别跟150至170多嘅女仔拍过拖，呢个高度香港所有女士都接受到。」

林作话自己高度配合到同香港女仔拍拖。

锺培生先系矮仔。

又提陈凯琳胞弟基因变异
林作向盛生下战书打擂台，坦承唔认输，但就否认放唔低旧情：「如果系念念不忘，一早有唔同嘅反应啦，我唔系因为对方系边个(下战书)，系要表达，唔好以为细粒啲就唔掂，我咁嘅size好好揪，今次系矮仔跟高佬对决，要斗身高同大细，亦系好机会为矮细身材，好似邱吉尔、邓小平、甚至曾志伟平反一吓，叻人就系叻人。而骤眼望落去，佢(盛劲为)都几高嘅，但大只就讲唔上，靓仔更加麻麻哋。」林作再抽陈凯琳胞弟水，「我好似陈凯琳胞弟Derek一样，食得外地嘢多搞到基因变异，佢上身变印度样，我下体变黑人，又dark又大…」仲搞笑话会搵裕美作证。

同麦明诗情已逝多年，强调已没有感觉。

林作指曾志伟及郭富城虽然身材矮细，但叻人就系叻人。

盛劲为曾穿三角泳裤参与水上活动，曾被网民取笑系消失「鸟」，事后装「巨雕」玩嘢。

「抽水王」林作因怀疑陈凯琳胞弟Derek血统问题，愿意出100万要求验DNA证亲生。

网民将林作和盛劲为比较，指麦明诗新欢冇得输。

麦明诗不时大晒事业线，身材好惹火。

对网民「cheap到坐econ位」论，麦明诗回应要用就快过期的Asia Miles嚟换。

寸爆盛劲为做保险唔专业
问到可会祝福麦明诗及盛劲为？林作声称要保护前度，从来唔会用感情事嚟「抽水」，所以唔评论。作为「抽水王」的他坚持，只会抽一啲涉及公众利益及唔公允嘅事水，语毕乘机闹爆传闻将重操故业做返副机师的盛劲为：「以保险业嚟讲，如果从业员做做吓保险跳返去做副机师，啲单交畀其他人跟嘅话，呢啲有损守则系唔ok，做一个行业要认真去做，唔好三心两意重操故业，好似拍拖咁，唔可以玩完又返去，一脚踏两船，呢个系原则问题。」