世界杯2022｜专家分析:人废就唔敢请假
2022-12-08 10:00 
呢排喺YouTube听咗首「豹哥」陈蕾喺某大网上音乐平台年尾Show演唱嘅一首歌，歌名叫《到底发生过甚么事》。呢首歌感人嘅故事，就感动唔到我呢啲无乜感情嘅人。但陈蕾嘅演绎实在出色，唱功非常扎实。事后知道原来呢首歌系由Dear Jane原唱，心知不妙，果然一听原唱版，华纳系咪应该将首歌交畀豹哥呢？嘥咗首歌呀！
就好似你返工咁多年，公司总有啲老臣子，其存在对地球自转并无任何阻力。呢啲人往往都唔敢请个大假去下旅行，因为唔想俾人发现无咗佢，公司同事做嘢唔单止无影响，兼会爽咗顺咗！你公司有无呢啲咁嘅人呢？
英格兰缺少咗史达宁后，快速反击，One touch的流𣈱，你都未必太有feel。葡萄牙解除「封印」，弃用废朗，犹如漫画主角除低件几十公斤重力衣，现真身大炒瑞士。睇到咁样，你又Ki唔Kimochi呢？ —马高
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
關鍵字
最新回应