独家丨炎明熹拣未来男友首要孝顺期待开睡衣Show坐梳化唱歌

2022-12-08 07:00

炎明熹（Gigi）推出新歌《好想约你》，是以往未试过的甜蜜曲风。目前学业和工作两忙的Gigi，唔恨同男生约会，17岁的她更自爆跟家人已约定25岁前不会拍拖，对未来另一半亦没有太多幻想，反而更期待将来开的演唱会，连主题都谂好。采访：杜杜摄影：罗安强形象:Peli Lam 发型:Ping @AgnesLai化妆:Stephen Lau @StephenMakeup 服装:Kenzo 场地:Studio Meta

Gigi的新歌《好想约你》，是她以往未有唱过的甜蜜曲风。

为拍《好想约你》MV，Gigi去了中环拍摄更趁机行街街。

Gigi拣未来男友有两个条件，孝顺和爱锡她最重要。

Gigi讲到假期最想约的人，竟然跟食有关，「要睇嗰日想食乜嘢，我真系几锺意食。」更以甜酸苦辣来拣约会对象，「食甜嘢就想同屋企人、朋友、同学及老师。」虽然未经历过太多辛酸，但食酸嘢就想到搵一班《声梦》战友，至于食苦嘢就唔使人陪，「虽然我唔系个不幸嘅人，都几幸运，但苦真系得自己先体会到。」而食辣嘢就想到跟工作人员，「我七点call time，但佢哋比我更加辣，要早到set嘢，又要带住咁重器材。」

Gigi自认好为食，不论约朋友或开骚都会想到食。

Gigi谂到食酸嘢，就想到一班《声梦》战友。

浴室开巡回演唱会

不过想来想去，Gigi都未想到跟男朋友约会，「以前会谂几时会遇到同我一齐行嘅人呢？但搵到目标后，冇时间去谂嗰个人系点，不过有个界限系25岁，我同屋企人约定咗，不过缘份好难讲，佢想嚟到你都阻止唔到。」她对另一半只有两个要求，「首先要孝顺，对父母好，对我都唔会太差。最重要唔系我有几爱佢，系佢有几爱我，呢个系屋企人教我，听完都觉得非常有道理。」

Gigi原来跟家人约定，25岁前都不会拍拖。

搵对象唔急，Gigi更期待未知几时会举行的首个个唱，「希望可以好似放肆哋坐喺屋企梳化咁，或者有啲好华丽嘅场景，呢个要同工作人员沟通，因为转景真系好辛苦，下个骚先华丽啦！」她愈说愈兴奋，想着住睡衣唱，又话平日爱在浴室练歌，「我已经喺度开咗个巡回演唱会，但对比喺浴室，更加锺意喺后楼梯唱，回音更大，我试过灵感到即刻跑去后楼梯唱。」