Juicy叮｜港女呻未感受过家人关怀 发钱寒妈嫌男友穷吁止蚀离场
2022-12-06 14:10 
天下无不是之父母？一名港女在网上发文，大呻与家人的关系一直疏离，「完全系放养式咁养大我」，亦不曾与他们身上感受到关怀或爱，并指其「发钱寒」母亲近日嫌弃正在供私楼的男友贫穷，「因为层楼唔系full pay」，不但呼吁女儿「止蚀离场」，更向楼主的朋友「数臭」楼主及其男友。
该名港女近日在连登讨论区以「长文慎入，有个发钱寒嘅老母真系好x惨」为题发文，提到自己与父母及哥哥一同在公屋居住，父亲在地盘工作，母亲为家庭主妇。她提到，从小开始已经与家人关系疏离，并指「由细到大都无咩资源畀过我，完全系放养式咁养大我」，既没有零用钱，亦没有兴趣班或补习等。楼主续指，「金钱上嘅资源无畀，连精神上嘅支持都无畀过」，母亲只会一直将她与其他人比较，「小学中学默书考试考到95分，就问点解无100分；考到第二名，就会问点解唔系第一名」。她续指，一直希望可以搬出去生活，「我从来无喺佢哋身上感受到正常人嘅关怀同爱，本身平时喺屋企大家都无两句」。
请点击组图浏览：
她提到，自己对感情事一概不提，因此不希望给家人批评，但近日不慎透露自己正在拍拖，而母亲「第一样关心嘅就系对方有无楼」，并指「我男朋友托赖有层私楼供紧，去到呢度佢嘅态度都几正面嘅（因为人地有楼）」，又提出与楼主的男友用餐见面。然而，楼主却指在家人与男友见面当日，「成程气氛尴尬到我都唔想再回想起」，并指母亲「审犯咁问人返咩工、之前返过咩工、层楼月供几钱 etc.，然后又黑口黑面咁」，「最后知道佢嫌人无钱，因为层楼唔系full pay，我返屋企食饭又畀说话我听」。楼主指，母亲当日在回家后，「讲埋啲唔知乜水个仔喺边度有层full pay嘅楼，问我做咩唔拣」，「全程都只系识讲人哋有几多层楼有几多钱，无提过人哋性格学历兴趣（因为佢都唔知），佢唔在乎个人适唔适合我，我会唔会锺意，只在乎佢个『未来女婿』有几多层楼」，并指「最好笑系佢叫我唔好再错落去 要止蚀离场 （讲紧同我男朋友一齐）」。
楼主指，与男友的家人用餐时气氛甚好，会谈论日常生活及未来等，因此认为男友与自己的家人用餐是委屈了他。楼主续指，母亲「仲癫到私底下走去搵我朋友讲，我男朋友无钱层楼要供，又幻想我帮人供楼，顺便数臭我无良心无礼貌唔交家用之类啦」，并指母亲直言她日后与男友结婚时，不会得到两老的祝福，楼主则指，「佢嘅唔出现，就系对我最大嘅祝福」。她随后再补充指，已经搬离家中并与男友同居，「终于有放工想快啲返屋企嘅感觉」，但指「我老母依家就好似小朋友畀人抢玩具咁，叫我止蚀离场，离开我男朋友，仲话要报警捉我返嚟」。
相关帖文随后引起热议，并有不少人同情楼主的遭遇，又指「你真系要止蚀，搬出去个只，唔好再理佢哋两个」、「早日断绝关系」、「楼主老母大癫」、「劝楼主早日离开老母，早走早着」、「可以试下反面搬走再唔理佢哋一段时间，如果无改善就只有老死不相往来呢个方法」、「认真，同屋企人维持良好关系嘅方法就系见少啲，距离远啲」等。
帖文来源：连登讨论区
最新回应