Juicy叮｜树仁仔失业半年转做清洁轻松袋14K 怕太留恋「舒适区」

疫情下香港人浮于事，有失业半年的树仁毕业生早前在网上讨论区自爆工作经历，指「毕业后废咗几年畀老母捉咗去做清洁」，发现「一个月返21日工，一个月都有14K左右，但系每日实做都只系6个钟左右」，担心太留恋这个「舒适区」而一直做下去。有回应的网民鼓励楼主行行出状元，「学够满师咪自己创业罗」。

网民回应请点击组图浏览：

有失业半年的树仁毕业生在网上讨论区自爆工作经历。资料图片

网民指清洁「做私楼豪宅仲好搵呀」。网上截图

网民鼓励楼主「只要你肯做，一定大把job」。网上截图

有网民指「正职一份粮，跟住大厦入面d铺有时又会搵你清洁又有钱，跟手如果有d可回收嘅嘢执埋拎去卖又有下栏钱」。网上截图

有网民指「你去过马己仙峡道，聂高信山啲豪宅垃圾房就知啲有钱人好离地」。网上截图

有网友慨叹「话晒都大学毕业，读书叫有用个脑，但出嚟做嘢用手脚加时间换钱，真系好浪费」。网上截图

有网民认为「离唔离开comfort zone靠自己」。网上截图

帖文以「树仁毕业后废咗几年 畀老母捉咗去做清洁」为题，楼主表示，毕业后遇上疫情爆发，「辗转就去咗做餐饮。半年前间小店做唔落去就关门大吉，跟住小弟一直失业至今。直到上星期，老母顶我唔顺，话唔再养我，而家畀两条路我行，一系就跟佢去做清洁，一系就踢我出门口。

如是者，我就跟咗佢做清洁。做咗一星期，我发现做清洁仲轻松同埋好搵过餐饮。好多时上午做两、三个钟就收$400；下午去另一个地方做又收$300，平均一日都收$700。咁我一个月返21日工，一个月都有14K左右，但系每日实做都只系6个钟左右」，并指「好惊自己会一直做落去，唔想离开呢个comfort zone（舒适区）」。

学够满师自己创业

回应的网民指「有经验可以转做科文，仲可以入啲清洁公司做，同埋其实做得耐可以考虑开公司」、「做正行，正当工作，清洁又好，灭虫都好，咪又系打工，学够满师咪自己创业罗，行行出状元呀！」

另有网友指「我有同学都系做清洁+灭虫，做咗5年自己开公司，包咗好多商厦清洁嚟做，啱啱买埋楼，谂起以前仲有份笑佢」、「楼主其实唔走都唔使担心，呢行无后生做，只要你肯做，啲人见你又后生，一定大把job」，而且，「离唔离开comfort zone靠自己。利申：树仁毕业，做过餐饮，做紧投行」。

不过，亦有网民慨叹「话晒都大学毕业，读书叫有用个脑，但出嚟做嘢用手脚加时间换钱，真系好浪费」。

说起清洁这行，有网友指其实搵到钱，「听清洁姐姐讲疫情前写字楼清洁仲好搵，一日实做4粒锺都有2皮几，好多师奶去做」、「正职一份粮，跟住大厦入面d铺有时又会搵你清洁又有钱，跟手如果有d可回收嘅嘢执埋拎去卖又有下栏钱」。

另有人指，「做私楼豪宅仲好搵呀，班有钱人成日都掟d好嘢出嚟，有人试过执到surface laptop同几千蚊外币，仲有咩chanel袋，仲要有嘢包住」、「你去过马己仙峡道，聂高信山啲豪宅垃圾房就知啲有钱人好离地，卡地亚手表prada手袋都可以掉出嚟，听过个保安讲个女户主被男人飞，嬲到将啲男朋友送嘅礼物掉走」。

帖文来源：连登讨论区

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ