独家丨林跃翰压力大常发台瘟冇信心夺奖《就是青春》大热门唔介意被称参赛KOL

2022-12-02 09:00

22岁林跃翰（John）继参加ViuTV《全民造星》及《全民造星III》后，最近再入围HOY TV的《就是青春》，对于被外界封为「专职参赛者」，John就解释跟前公司约满后，一直未搵到新公司，觉得今次是机会就一试。对于被视为大热，John未有太大信心夺奖，只想继续朝组男团梦想进发，更希望有机会推出个人作品。采访：杜杜摄影：谭志光

John不介意被封「专职参赛者」，不想将来后悔，有机会就要试。

John抱着自己是白纸的心态参赛，希望学习更多东西。

连番参加选秀节目，John被外界封为「专职参赛者」，他就解释再参赛因《造星III》后不久便跟前公司满约，再遇上疫情一直冇演出机会，向其他公司叩门亦苦无消息，「有靠朋友去睇吓有冇机会去casting，但我喺《造星》算系隐形人，唔系好多嘢讲，好多高讨论度嘅参赛者相对易casting到公司。」直到年初朋友提议他参加《就是青春》，思前想后最终决定一试，「同自己讲试咗先算，系好好机会令自己学嘢或者成长。」

John在《造星III》时，讨论度不算很高。

John参加《造星III》令人最深刻是被指跟胡鸿钧撞样，对方更找他合作拍cover片。

朝组男团梦想进发

相对于一班素人参加者，John甫参赛即被封为大热，他坦承会开心，但亦增加了一定压力，「之前有啲观众会认识我，一定会对我expectation会高咗，我就希望自己做得更加好，唔想辜负佢哋嘅期望，但我又唔会真系觉得自己系大热，我都希望用实力去成为大热，但系经过呢几round，自己都仲未系超级成熟嘅表演者，我之前都有唔少嘅表演经历，但系上到舞台都仲会好紧张，发台瘟到甚至唔记得歌词，希望嚟紧会调整好啲心理质素。」

John与洪韵骐（Wincy），被视为《就是青春》的大热参赛者。

John因对自己要求高，压力大增，比赛期间不时发台瘟。

John参加两次《造星》都讲到明想组男团，现在这个目标依然不变，「男团同Solo歌手系两个唔同嘅感觉，畀我拣都系想做男团多啲，团体火花会有趣啲，同埋就算做咗团都可以出Solo，但你Solo嘅时候唔会突然搵几个人一齐做团嘛！」看到以往战友的发展，他坦言好羡慕，「见到朋友都有自己作品及舞台，更加渴望有自己嘅歌。」