小野猫Cosplay搭港铁片热传 事主：请停止你哋嘅遐想
2022-11-30 17:45 
网络早前热传一名女子以小野猫Cosplay打扮搭港铁，引起网民热议。该Coser在网上发文表示：「首先澄清返，呢条尾系以绑喺腰上作为固定，都冇任何奇怪嘅插口可以俾你插嚟插去玩SM，请停止你哋嘅遐想。」
女事主在网上发文回应网民热议，发文表示：「我当日系出紧一个猫娘角色叫黄豆粉。黄豆粉后面就系有一条尾，前端畀上衣遮住。」
事主表示，影片是有偷拍者跟踪她拍摄：「偷拍者跟踪咗我一段距离keep住影，佢唔系经过我嘅允许拍摄，而我都系唔知情嘅状态下就俾佢影咗。」
「条片出街之后已经有极多唔尊重以及性骚扰嘅留言喺底下，但当时仲未对日常生活有太大影响，所以件事就搁置咗一旁。」
「但最近呢条片嘅事竟一发不可收拾，喺香港各大论坛都有出现呢条片，其中某论坛嘅comment实在不堪入目。」
她在文内澄清：「呢条尾系以绑喺腰上作为固定，都冇任何奇怪嘅插口可以俾你插嚟插去玩SM，请停止你哋嘅遐想。」
「出cos打底保护自己系基本常识，除非你有暴露嘅癖好，如果唔系我相信冇人会想俾人偷影，加上我当日冇做出任何卖肉或ooc等故意露出行为就莫名其妙被网络暴力，抛开coser嘅身份，以客观角度嚟讲，我唔觉得我做错咗啲咩。」
「香港本身都对cos印象唔好，持有偏见指指点点等，风气都唔算好得去边。有啲人或者会话『你着到咁梗系会俾人偷影啦，自己攞嚟衰 』『奇装异服』等等。」
文章又表示：「如果嗰个人真系有心要影，你包到成只糭咁佢都可以偷影啦，点解要将被偷影嘅错误归咎落受害者衣着打扮上？而家都2022年啦，仲用二进制思考，每个人都有衣着打扮自由，衣着打扮唔应该成为被攻击嘅理由。」
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应