头条戏场丨《过时·过节》唔好再神化屋企系避风塘

2022-11-25 09:00
Video Player is loading.
Current Time 0:00
Duration -:-
Loaded: 0%
Stream Type LIVE
Remaining Time -:-
 
1x
    • Chapters
    • descriptions off, selected
    • captions and subtitles off, selected

      新闻稿咁样写,《过时·过节》是一部关于家人关系的电影,故事由导演受自身家庭经历而启发,道尽家人之间的沟通和相处。简单嚟讲即系伦理电影,亦即系导演曾庆宏经历过一啲唔太好的家庭问题,隔咗一排未完全解决,所以拍一套戏去释放自己。有人觉得好睇,因为从戏中见到自己,情况好似睇星座分析性格咁,明明自己一早知,但见到有人分析自己又觉得好准呀,好好睇呀;有人就觉得唔好睇,因为太真实,真系好烦。我觉得中上,因为谢君豪的个人表演真系好出色。(刚上映)撰文:廖思慧

      全片只要见到毛姐同谢君豪同场,就知后者又要被闹。
      全片只要见到毛姐同谢君豪同场,就知后者又要被闹。
      谈善言同谢君豪系父女,无乜两句,靠眼神交流。
      谈善言同谢君豪系父女,无乜两句,靠眼神交流。

      电影属于「家家有本难念的经」宇宙终极升级加强版,讲述一场「混乱冬至饭局」发生后的家庭悲剧。从来都话有咩父母就有咩仔女, 睇冯素波饰演的婆婆对仔女的恐怖情绪勒索,就明白戏中的毛舜筠点解咁乞人憎,吕爵安脾气点解咁火爆。

      毛舜筠个角色真系好乞人憎
      好多人愿意包容唔太熟嘅人,但却对最亲密嘅人不留馀地,有咁Mean得咁Mean。谢君豪演得最好,饰演沉默又慢几拍的老窦是绝种好男人,识搵一定搵呢种,见佢被老婆即毛舜筠长期精神虐待及言语暴力都忍到,仲可以讲道理,但个女人即毛舜筠唔识珍惜,最后抵佢死的。对于感情,性格唔夹,讲极唔明,问题不断重复又重复都解决唔到,一律主张分手,真系唔好拖。

      Edan戏中同老窦谢君豪好唔妥。
      Edan戏中同老窦谢君豪好唔妥。
      毛姐角色玩精神虐待可以拎100分。
      毛姐角色玩精神虐待可以拎100分。
      毛姐角色会做钟点,因为喺自己屋企得唔到爱,而转去人哋屋企感受咩叫家庭温暖。
      毛姐角色会做钟点,因为喺自己屋企得唔到爱,而转去人哋屋企感受咩叫家庭温暖。

      冇强行硬Sell温馨大团圆几好
      由细到大睇戏都经常听到类似对白,「出面遇到咩唔开心、工作有几咁唔如意、俾老公老婆虾、男女朋友对你唔好」等等,唔紧要,屋企永远都系你嘅避风塘,一直想反驳好耐,唔一定㗎,屋企人玩情绪勒索先最出色,睇完呢套戏终于有导演肯以正视听,多谢导演唔硬加矫情的正能量,点解一定要齐齐整整先叫好?

      睇Edan歇斯底里就好鬼头痕
      电影以MIRROR的吕爵安(Edan)及卢瀚霆(Anson Lo)作重点宣传,后者饰演同前者有生意关系的好朋友,表现称职,因为戏份唔多。至于Edan的演技就好熟识,好似睇紧《I SWIM》李马荣同老窦闹交,每次见亲佢好激动都会好出戏,睇嚟Edan练咬字之馀都要好好上演技堂。
       

      戏中Edan离家出走8年,不孝子。
      戏中Edan离家出走8年,不孝子。
      终于到AL,唔想写佢太多,因为佢只系客串,请将注意力放喺谢君豪同毛姐身上。
      终于到AL,唔想写佢太多,因为佢只系客串,请将注意力放喺谢君豪同毛姐身上。
      Edan角色唔讨好,但唔够佢阿妈咁乞人憎。
      Edan角色唔讨好,但唔够佢阿妈咁乞人憎。
      全片MVP,最后同毛姐讲嘅对白,大快人心。
      全片MVP,最后同毛姐讲嘅对白,大快人心。

      《星岛头条》APP经已推出最新版本,请立即更新,浏览更精彩内容:https://bit.ly/3yLrgYZ
       

      關鍵字

      最新回应

      關鍵字

      相關新聞

      You are currently at: std.stheadline.com
      Skip This Ads
      close ad
      close ad
      本網站正使用 Cookie

      我們使用 Cookie 改善網站體驗。 繼續使用我們的網站即表示您同意我們的 Cookie 政策。 Cookie 政策