Juicy叮｜家姐男友经常上门黐饮黐食 阿妹呻「好似我哋服侍佢咁」

有港女在网上发文，大呻家姐的男朋友经常到他们家中「黐饮黐食」，但不会主动帮忙，「好似我哋屋企服侍佢咁」。

该名港女在香港讨论区以「家姐男朋友成日上嚟黐饮黐食」为题发文，提到自从家姐带男朋友回家吃饭后，对方「成日上嚟屋企黐饮黐食」，并猜测可能是因为当他第一次到他们的家中吃饭时，母亲说了一句「得闲咪上嚟食饭，多个人多双筷啫」。楼主指，「都系礼貌上讲下，但点知就系呢一句出事啦，佢真系一啲都唔客气」，并指「最近基本餐餐食饭都见到家姐男朋友一齐食」，而且「佢又食劲多嘢，饭又添几碗，佢冇畀过一蚊畀我哋」。楼主续指，并非是打算向对方收钱，但认为对方应主动帮忙，「好似我哋屋企服侍佢咁，次次净系个人上嚟，食完走，又唔会帮下手开饭，又或者洗碗」。楼主又提到，每逄生日等大日子时，他们亦会外出用餐庆祝，「佢都会照嚟，又唔畀钱，礼物又冇」，因此发文询问其他网民「有咩办法可以令佢唔好再成日上嚟食饭？」

相关帖文随即引起热议，有网民认为「有咁嘅男朋友，你家姐将来都唔会幸福」、「cheap咗小小」、「咁真系好贱格」、「食软饭黐饮黐食，食完嘢又唔帮手洗碗，男人老狗咁大个人连基本做人处事都未识」、「男朋友好唔识做罗」等。有人则建议，「当面赶佢走啦」、「每次佢上来前短讯佢买半边烧鹅，日本蜜瓜，等等，次次不同要求。冇买到就问姐夫呀，阿爸阿妈想食点解冇买嘅。要佢冇瘾，食餐饭都背脊骨落」、「下次叫家姐男友夹钱买餸先好上嚟，话屋企唔系做善堂冇免费餐食」等。楼主在回覆留言时则指，「阿妈可以点讲，佢仲呻家姐系唔系应该畀多啲家用」，并指「我家姐当佢系宝」，又指曾暗示过对方购买食物等，「但个未来姐夫唔识做」。

帖文来源：香港讨论区