世界杯2022｜沙特后衞串爆美斯：你赢唔到！
2022-11-23 16:00 
周二卡塔尔世界杯爆大冷，沙特阿拉伯喺C组2:1反胜阿根廷，沙特后衞艾布拉希被影到喺追平之后走埋去串美斯，后者当堂呆晒。艾布拉希喺赛后亦承认当时爆串对方，向佢大叫：「你赢唔到！」
阿根廷今场靠美斯射入十二码先开纪录，之后沙特阿拉伯于五十三分钟追平，当全队好开心咁庆祝时，沙特守将艾布拉希就行埋美斯度，先大力拍佢后背，然后好激动咁讲咗句嘢，美斯呆一呆再笑一笑，就一脸茫然地走开。
赛后，艾布拉希讲话当时佢大胆走去串美斯，同佢讲：「你唔会赢到！你唔会赢到！」虽然当时仲有近四十分钟先完场，但咁就睇到艾布拉希信心爆棚，最后沙特真喺爆冷反胜。
立即下载 | 全新《星岛头条》APP : https://bit.ly/3yLrgYZ
最新回应