资深演员高雄忆述拍剧堕马命悬一线 成个脑由头到尾裂开：睇到微丝血管郁
2022-11-22 16:30 
现年77岁、在娱乐圈打滚超过50年的资深演员高雄，当年在邵氏龙虎武师出身，凭《精武门》一炮而红，其后接拍了不少电视和电影，当中包括有《蝶变》、《地狱无门》、《霍东阁》、《再造繁荣》、《香港传奇人物之一代赌王》、《饮马江湖》及《新扎师兄1988》等等，到了1996年移民到温哥华，其后亦有回流返港拍剧，但近年主力在内地拍剧， 甚少在香港见到他的演出。日前高雄接受好友杨绍鸿、文颂娴主持的港台节《一起走过》访问，重提当年在韩国拍剧受重伤，走过鬼门关的经历，杨绍鸿亦自爆早年亏欠了高雄。
【点击睇高雄精彩剧照】：
当年动作片在香港很盛行，动作演员出身的高雄当然很吃香，不过在1971年，高雄在韩国拍摄期间，意外堕马受重伤，足足瞓了两个月医院：「嗰阵跌咗落地，仲畀只马高速拖住行咗一段路，之后我唔知发生乜嘢事，只系记得畀只马揈咗落嚟晕咗。嗰次我系几乎死咗，拍摄地点系离开汉城（首尔）要3个钟头车，好彩入到医院仲喺度，救得番我。嗰阵我住间病房系最高危，分分钟系会死，本来我系未出得院，医生仲话我今日可出得院，系我好彩，当时佢都冇把握可以救到我，因为我照X光系睇到成个脑由头到尾系裂开咗，系睇到微丝血管喺度郁，所以希望微丝血管可以愈合，万一断咗嘅话，就算救番下半生都系植物人。」重提留院经过，高雄说：「我昏迷咗差唔多4、5日先醒，之后唔可以落床，大小便都要护士帮忙，双手仲有10几个窿，我仲啱啱结咗婚冇耐，太太又陀紧B，所以冇通知佢。」经过这次死里逃生，高雄对动作片未有阴影，反而对马有阴影。
杨绍鸿在节目自爆在2006的亚视年代，因为《香港奇案实录》其中一个单元《屋邨狂父斩头》而高雄与TVB发生不愉快事件，但高雄反而说：「我永远记喺心里面，唔系你欠我，系我欠你，因为我哋当时倾好晒条件，同TVB仲有少少时间合约未完，所以应承咗完约先过亚视，点知后来发生咗突发事件，我同杨绍鸿讲唔签得约，就同佢拍呢三集戏，因为我真系好锺意呢个剧本。」虽然当时有朋友劝他不要接拍，搵唔到钱又影响形象，但他觉得只是做戏，未有想太多。其后高雄被TVB高层召见，即使表明不会同亚视签长约，纯粹帮朋友是出于道义，但仍然被冷待了两年，他便决定返内地拍剧，想不到杀出一条血路：「人生就系咁样，亦因为咁曲折离奇嘅嘢，令到个人仲更加成长得快，经得起考验。」
【其他阅读】
中年好声音｜邝文珣富商老公入围 52岁眼大有型俊男曾读TVB艺训班追梦
叶翠翠晒9千万3千尺豪宅 饭厅设巨型圣诞树拥私人花园大到可放波波池加泳池
绿叶王以资深排舞师现身台庆 曾为张国荣伴舞靠《天龙八部》段延庆北上搵银
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应