独家丨郭柏妍细个唔起眼获封女神受宠若惊　唔急脱A0男友最好似南柱赫

2022-11-15 07:00

剧集《下流上车族》收视及口碑都好好，除带挈男主角林敏骢被捧为视帝顶头大热外，饰演长女「芊芊」的郭柏妍（Rosita）亦凭自然演出兼靓样人气急升，由「A0女神」再封为「下流上车族女神」。Rosita坦承播出前一度紧张到失眠，对女神称号受宠若惊，事业发展顺利的她不急于脱单，等搵到港版南柱赫再算。采访：杜杜摄影：谭志光

25岁的Rosita认为现在事业发展顺利，想专心工作唔急于拍拖。

Rosita为演「芊芊」苦练滑板两个月，幸好出来效果好。

对于《下》剧有好成绩，Rosita开心被观众认识，「播咗头一个礼拜啲人已经叫我『芊芊』，好多谢呢个剧令大家认识我。」原来未播前她担心又紧张，「剧入面系最细亦系经验最少嘅一个，就算阿妹『蔓蔓』演出经验都多我一年，所以一路都好紧张，唔知大家有咩反应，都有少少失眠，瞓唔到好担心，最惊系累咗个剧。」

Rosita感激剧中父母林敏骢和江美仪拍摄不断提点她，令她获益良多。

拍爱情戏幻想自己韩剧女主角

讲到获封女神，Rosita大感意外，「我真系冇谂过大家话我系『女神』，或者『AO女神』，系好surprise㗎！多谢大家抬举我，细个唔系大家口中嘅好靓女，或者由细靓到大，我读小学中学都唔系特别起眼，呢个称呼我都受宠若惊。」她承认2020年夺得港姐季军才有返啲自信，「好感恩有呢个奖，冇谂过会有季军，好开心有呢个荣誉。」

Rosita读书时因戴住厚厚的眼镜，靓样未被发现。

Rosita凭《下》剧人气急升，获封「女神」的她，ig的follower激增近一倍。

自小不起眼的Rosita，2020年参选港姐夺季军才搵返自信。

外界都关心Rosita何时脱离「A0」，不过当事人就完全唔急，「真系好随缘，冇乜所谓，𠵱家仲好细25岁，仲有几年可以慢慢做嘢先拍拖，因为好感恩，入咗行两年就有咁多机会。」至于冇拍拖经验下演爱情戏，她就当自己是韩剧女主角来投入感情，「我好锺意煲韩剧，啲男主角又真系好靓仔，令我代入到做女主角。」而拣男朋友除了啱倾，开朗的她都希望对方似韩剧男主角一样高大及健谈，「我锺意南柱赫，（似佢有腹肌？）又唔使咁多要求，高过我等我着到高踭鞋，同埋有时我拍嘢好似消失咗咁，都希望佢体谅同明白。」