张敬轩惊喜现身洪嘉豪演唱会 自豪撑场：我支嘢晚晚陪住你

洪嘉豪(Kaho)演唱会上周日晚（13日）圆满结束，张敬轩现身做尾场嘉宾，二人合唱《骚灵情歌》，令观众兴奋万分。

【相关阅读】：洪嘉豪首场处男个唱张家辉惊喜「现身」 罕有现场骚肌报答粉丝

【点击睇洪嘉豪演唱会尾场靓相】：

轩公惊喜现身！

同院长合唱《骚灵情歌》。

仲唱埋《樱花树下》！

原来当晚院长拎住支咪系轩公送。

演唱会最后一日。

院友福利！

有院友递牌。

院友送礼物。

今次演唱会都有跳舞！

大唱情歌。

向大家鞠躬。 ​

尾场有唔少好友到场支持。

MC（张天赋）到场支持！ ​

AK（左）与苏丽珊（右）。

完满结束！

当晚《骚灵情歌》音乐响起，轩公未出场，观众已经兴奋狂叫，Kaho笑道：「咁快知，咁一阵叫大声啲」。然后唱起《骚灵情歌》，轩公出场当然就震憾全场，唱毕两人相拥，Kaho坦言，其实一见他身影于舞台上出现已经想喊，不过《骚灵情歌》不简单，不想唱不好失礼，所以唯有一直死忍。Kaho话：「我第一个骚好想同好重要嘅人分享第一次，轩哥，我识你20年，我点会估到有呢一日，可以请你做嘉宾，仲要攞住你支咪喎。」轩哥非常搞笑回答：「好开心我支嘢可以晚晚陪住你……哈哈哈！我啱啱同Kaho拍咗两个月戏，佢平日喺剧组串串贡，今日做咩咁谦虚，我哋《超神经械劫案》Jeffrey（魏浚笙）、白只，仲有好多人，今晚几乎成个剧组嚟晒撑你，劲呀你。」Kaho：「唔系呀，我边有串，系白只佢哋搞到我咁，哈哈。」

轩公说：「其实Kaho对我来讲，真系亲生细佬咁，我识佢嗰阵佢毛都未有……哈哈，唔系，系中学都未读，仲读紧小学。每次讲开Kaho，喺佢妈咪眼中口中呢个仔都系洪家骄傲，钢琴又叻，有天份，之后佢读演艺，你问我，我喺Kaho音乐事业上面，冇帮佢太多，今日佢企到喺台上，真系全靠佢努力同大家支持。你睇今晚直情好似去咗韩国睇音乐会咁，好靓！」Kaho闻言即说：「我想同你讲，上次你送支咪畀我，希望我可以喺自己个台唱歌，我做到啦，多谢你。轩哥，下次！我红馆再请你！」获全场狂热欢呼！轩哥见Kaho咁有志气，即再来一个大力拥抱。当晚好友MC（张天赋）、AK、肥仔梁业、jeffrey（魏浚笙）、白只、苏丽珊、陈凯咏等亦有到场支持。

 

【其他阅读】：

神之拉阔丨Anson Lo少咗阿Mo伴舞后首登台 日前疑为兄弟落泪回复心情劲舞开唱

神之拉阔丨卢瀚霆演出中段胃抽筋 病情转好凌晨IG报平安承诺会好好休息

胡枫个唱获天王巨星现身支持 90岁仲跳得唱得

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ