Juicy叮｜印佣由白纸做到自动波 港爸感恩：做咗咁耐都无跌watt

可以聘请到一个自己满意的外佣并不容易。有港爸在网上发文，分享指家中的印佣最初由「一张白纸」开始，直到现时「全部自动波一脚踢」，而且任劳任怨，直言「感恩最近签咗第三张约，姐姐做咗咁耐都无跌watt」，令网民甚为羡慕。

该名港爸昨日(11日)在facebook群组「表扬好姐姐开心分享区」发文，提到家中有6个人包括小朋友及长者，并指印佣21岁时来港工作，当时「一张白纸咁教」。他指，在首2至3个月要与她一同煮食，随后让她慢慢尝试，幸好她算聪明，只需教导1、2次已学会，「同埋佢会问问题，点解要咁样、点解要落呢个之类，我整乜嘢新嘢佢都会企喺度学」。他又提到，印佣「仲好young！难得佢唔贪玩，呢两年covid佢放假都习惯少出街，就算去都系几个钟就返屋企」，并直言「真系畀啲耐心，我基本上无骂过姐姐，我始终都信你对人好人对你好」。他亦指，「姐姐煮饭都会谂老人家有啲唔食得，有时中午饭仲要分开煮，因为要夹两个仔放学时间唔一样，老人家又要食先，我都佩服佢」。

该名港爸指，家中的印佣打扫买餸煮三餐饭等，全部自动波一脚踢。「表扬好姐姐开心分享区」FB

该名港爸续指，「由乜都唔识煮唔识做，到呢家每日神早起身照顾小朋友返学、打扫买餸煮三餐饭、全部自动波一脚踢，任劳任怨」，并指「感恩最近签左第三张约，姐姐做咗咁耐都无跌watt，仍然用心煮新菜式」，而且「感恩..续约都完全无扭过计」。港爸又笑言，太太在印佣的协助下可以休息，并指「我两个仔朝早返学全部姐姐搞掂，阿妈够胆死9点几先起身，啲仔已经出晒门口，姐姐都打扫咗一朝了」。

相关帖文随即引起热议，并有不少市民甚为羡慕。有人直言，「你姐姐好劲，又有天份又有心机」、「睇啲餸菜就知姐姐有耐性、肯学、用心做…… 心心眼」、「羡慕死，我嗰个有一半识自动波打扫就好」、「姐姐好有心」、「屋企有个咁嘅姐姐帮我手，我一定好开心」、「你真幸福，遇到咁好嘅姐姐」、「真系值得赞扬」、「别人的姐姐总是不会令人失望」、「羡慕死隔离呀」等。

另有网民则分享家中外佣的情况，并指「我嗰个由白纸入屋，到依家3年都好似白纸咁，保持住」、「我嗰个入屋39，做咗就嚟7年，愈做愈差」、「我新姐姐入屋1个月 都系21岁，仲调节紧… 我见佢好钟(锺)意玩直播，连炒个菜都直播」、「请教下如果写埋菜单同食谱畀姐姐，都成日睇漏睇错，落错野，已经差唔多两年日日都系咁系咪冇得救」等。

帖文来源：「表扬好姐姐开心分享区」

 

《星岛头条》APP经已推出最新版本，请立即更新，浏览更精彩内容：https://bit.ly/3yLrgY