Juicy叮｜健身男拒食甜品女友爆喊分手 友人安慰说话令网民错重点

港男在网上发文，抱怨因为健身需戒口而与女友发生冲突，两人最终更分手收场，但有同为健身男的友人安慰指，女友是「变大只嘅阻力」，并指现时不需拍拖，「大家有多啲时间一齐操」。

该名港男日前在连登讨论区以「做gym戒口搞到我冇咗条女」为题发文，指自己因身材管理而需要戒口，早前陪同女朋友食甜品时，自己只点了一杯豆浆，女朋友则点了一碗芋圆刨冰，并要求男友「帮手食」。楼主指，自己正在戒糖，「出去陪佢食饭已经cheat（偷食）咗一餐，再食多个甜品真系搞唔掂」，但指「点知佢食食下就开始唔出声，我都feel到出出哋事」。

港男因为戒口，而拒绝食甜品。示意网图

在离开甜品店后，女方向楼主表示，「坐喺隔离条女笑佢一个人食咁大盘冰，十足千与千寻入面只猪咁」。楼主闻言后随即安慰对方，并指「我一路劝佢话佢咩身形我都冇所谓，反正我都只系care自己大只，又冇迫佢减肥就我，但佢都系又嬲又喊，最后仲分埋手」。楼主续指，「好彩最后有gym bud（健身朋友）安慰我，佢话条女系bad vibe（负能量），根本系我变大只嘅阻力，依家唔洗拍拖，大家有多啲时间一齐操。」

相关帖文随即引起网民热议，并指「一早要戒gym啦，有钱就有女，畀心机搵钱」、「一星期拍得几多次拖呀，你自己program设计得好啲咪得罗」、「真，要戒gym」、「好嘅女朋友会支持你做紧嘅嘢」等。另有人则将焦点放在楼主的健身朋友上，并笑言「同gym bud 一齐啦」、「做得尖预左冇女，同尖巴一齐互相鼓励啦」、「你个gym bud 等咗呢个机会好耐」等。楼主在回覆留言时则指，与该名健身朋友每日亦会见面。

另有网民则认真留言指，认为女方并不爱楼主，并指「我都有差唔多嘅问题，我男朋友唔食海鲜，亦都唔系因为过敏问题，纯粹细个被家人带去食大排档之类食到肚泻而怕咗。我就好锺意食海鲜嘅，但我同男朋友拍拖有4年以上，呢4年入面食海鲜嘅次数好少，连酒都少饮（佢唔饮酒），两样嘢都系我锺意嘅嘢嚟。但呢啲情况下都乜问题，如果佢唔啱食，咪我食，我食唔晒咪打包，一系就要预咗我系食得晒」，并指「所以，一系你前度搵藉口分开，一系根本唔够爱你。」

帖文来源：连登讨论区

 

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ