独家丨陈嘉桓戒酒变宅女同Bosco断联络 转行皮纹分析师做埋爱情顾问

拥有D Cup上围兼长腿的29岁陈嘉桓（Rose）幕前产量唔多，因为她已由演员「踩过界」成为大脑皮纹分析师，之前仲以导师身份参与两班学员的毕业礼。Rose更学以致用变身「爱情顾问」帮朋友解决疑难，单身的她享受宅女生活，再冇关注过气绯闻男友黄宗泽的动态，坦言IG已Unfollow他。采访：方骞平 头发化妆：Makeupbysueey

减肥成功的陈嘉桓，身形回复窈窕，并展示滑溜玉背。

陈嘉桓有模特儿身形。

陈嘉桓笑容甜美。

Rose高人一等。

陈嘉桓白肤白滑。

3年前，陈嘉桓只是皮纹分析「小师妹」，完全冇谂过会做到小师傅：「𠵱家识朋友先睇佢只手指，对方应该会好高兴。我成日话，新相识未必咁快会表露个人性格，睇完佢皮纹嘅设定，会知道用乜方式同佢沟通，都试过因为咁避开啲追求者，都几有趣。」 

陈嘉桓由3年前皮纹分析「小师妹」，变身成为小师傅。

Rose初相识朋友，先会睇对方皮纹。

以狗种比喻同黄宗泽唔啱KEY
因为3年疫情，加上工作转型，完全改变了Rose贪玩性格：「𠵱家戒咗酒，少咗同朋友聚会，多咗时间留喺屋企煮吓饭，陪伴家人及小狗，简简单单又一日，真系唔想再浪费时间(饮饮食食)，而且人生中除咗拍拖仲有好多嘢。」她又表示𠵱家先知道自己需要乜嘢生活模式，已踼走所有负能量的朋友，社交网追踪的朋友愈嚟愈少，更承认IG冇再Follow黄宗泽（Bosco），仲话：「佢啲嘢唔系特别好睇，我比较锺意睇狗仔及煮食！」记者指Bosco都系狗痴，点知Rose却耍手拧头说唔啱：「但狗种唔同，我养迷你贵妇，呢啲宠物类型模式比较简单；佢养唐狗，大狗应该系活动型，性格比较外向，需要散步同行山。」至于点形容同Bosco关系？她说：「我系有佢电话号码嘅朋友，但唔会联络佢，不过又唔使block咗人哋电话号码嘅！」

Rose表示跟过气绯闻男友Bosco已冇联络。

疫情下Rose多咗时间陪家人及爱犬。

Bosco爱养唐狗及大型狗种。

Rose拥有D Cup上围兼长腿。

Rose父亲后生又靓仔，经常被误会系新欢。

Rose𠵱家锺意留喺屋企做宅女。

陈嘉桓明天30岁生日，决定留港和家人简单食饭便算。

嘉桓同提拔佢嘅何国钲好老友。

Rose系有料之人。

陈嘉桓有咗个人事业少咗幕前演出。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ