独家丨刘家聪脑瘤影响手脚灵活无阻修读中医学位死过翻生想演好戏台庆攞奖

2022-11-03 07:00

44岁TVB艺员刘家聪参加台庆节目《全城一叮》，分享2017年尾切除6CM大脑肿瘤后，曾半身瘫痪的亲身经历，嘉宾评判冯盈盈亦被感动到狂喊。面对大病，家聪并冇自怨自艾，反而抱积极态度面对人生，他笑住说：「系畀机会我放下做个平凡人。」自此家聪性格亦改变，学识放慢脚步好好享受，以往工作时最常见的忟憎亦消失。他最想用丰富的人生经历，发挥于演技上，引起共鸣，将来有机会在台庆获得奖项。采访：方骞平摄影：罗安强场地：三军会

刘家聪双脚未完全康复，走路仍然有点拐。

家聪因脑内生咗个6CM肿瘤，需接受长达7小时大手术。

刘家聪喺《全城一叮》表演影子舞，表达「家聪系得㗎！」

家聪活在当下。

家聪接受大手术后个人平和晒。

刘家聪相约《星岛头条》记者到他的「第二个家」做访问。

「生命斗士」刘家聪相约《头条日报》记者到他的「第二个家」做访问，原来术后他经常到该会所游水、温书、甚至睇风景，过住平凡人生活。家聪透露每年的覆诊报告，医生都以「靓仔」形容，算系叫大病痊愈，但因为肿瘤位置影响到行动区，目前行路都会拐吓拐吓，手部活动亦冇正常人咁灵活，所以《全城一叮》中表演手影及沙画，要花足两星期日以继夜练习。

节目中家聪分享逆境求生真实人生故事，但总算可以重回舞台。

由家聪嘅励志人生经历及超强意志，感动到冯盈盈做咗喊包。

家聪用两周学画沙画。

家聪用公司「全力以赴做到最好」作为人生口号。

手术后家聪喺囡囡陪伴下努力游水做物理治疗，过程艰苦。

大手术后个人平和晒

唔烟唔酒热爱做运动的家聪，2017年尾任职有线电视娱乐新闻台主播，由于每日返工愈嚟愈攰，加上脚力变差，行得好辛苦，讳疾忌医一排终于面对现实睇医生：「感恩医生用温和态度讲解病情，所以畀信心佢医我，安排喺10日后开刀，仲记得医生叫我乜都唔使准备，惟一术前要食好啲，我仲食埋个自助餐先入院。」

家聪冇担心医唔好。

手术前医生只叫他食多啲好嘢。

直至做完7个小时大手术清醒过后，家聪有重生感觉：「我喺病牀上第一个五感系『点解世界唔同咗？点解突然咁平静，啲嘢咁慢？多咗咁多色彩嘅？』原来系畀机会我放慢脚步，睇嘢细致咗系开心㗎，可以享受过程，细味每一样嘢，亦冇咗以前做采访时嘅忟憎。」当时家聪相信靠意志一定行得返：「其实要多谢TVB，做艺人冬天跳海，夏天拍古装，瞓埋棺材，我哋乜都捱过，就算冇钱开饭都捱到，只要放下，面对就可以。」最后家聪唔想半夜惊动家人照顾他去厕所，一个月后迫到自己企返起身行路：「𠵱家我都唔担心双脚会唔会再有好转，因为呢个只系皮囊，最重要系内在。」

手术后清减不少的家聪戴着帽贺寿，宝贝女喺身边特别好笑容。

节目中家聪的15岁囡囡上台为爸爸「授勋」，此环节事先并冇同阿Bob夹过。

家聪喺《全城一叮》决赛中表演沙画，其实画出家聪梦想的画面！

常拍剧嘅家聪指自己乜都捱得过。

家聪就算行动不便仍坚持拍戏赚钱，新剧《下流上车族》中演「车总」之父。

家聪拍《爱回家》。

经历丰富变「老火汤」

因为多咗好多人生经历，家聪形容自己变成「老火汤」，内里有最浓缩汤料，个人愈来愈成熟：「男人系要有经历先可以成长，𠵱家我乜嘢都可以演到，唔系得个空壳，所以要争取自己嘅舞台，希望观众可以感受得到我嘅故事，从而引起共鸣。我嘅人生目标除咗培育囡囡做有智慧嘅人外，仲好恨攞到台庆奖项，但求有奖，乜奖都得，新人奖都得…」至于经济状况，虽然要供楼，但家聪用OK嚟形容：「我好细个就努力寻找工作机会，唔会令自己咁坎坷，都要畀掌声自己。」目前家聪仲读紧港大6年制中医学位，除咗寻求更多知识，最想学以致用，固本培元。