独家丨丁子朗用真身同网民一齐闹「渣男进」向叶念琛自荐做男版「阿宝」

2022-10-26 08:00

一向形象健康兼演开乖乖仔的丁子朗，在《美丽战场》首度演绎极品渣男「阿进」，最初丁丁都冇自信演到，但后来已接受，面对网上负评更由唔开心变齐齐闹。演完渣男自信大增的他，更直言要向叶念琛自荐做男版「阿宝」。采访：杜杜摄影：罗安强

丁丁由最初担心演「渣男进」，到后来跟网友齐齐闹，觉得好过瘾。

丁丁冇信心接演「渣男进」，原来要叶念琛花足六个钟来说服。

因为丁子朗无信心演得好「渣男进」，叶念琛同佢由黄昏6点倾到凌晨12点，出尽力去说服，到现在他听到有人叫渣男竟然好兴奋，「渣男成为我代名词，我系渣男，哈哈！」丁丁多谢观众投入角色，不过承认最初睇到网民留言闹佢唔开心，但之后用真身闹埋一份，「又话我油腻，又话我系『普信男』，即系咁普通但好有自信，点会追到陈晓华，但睇得多又觉得几好睇几好笑，𠵱家上咗瘾系咁睇留言，仲会用自己account覆，仲帮手闹埋一份，令到我同网民嘅关系拉近咗，好开心。」

丁丁演「渣男进」前，原来叶导有给他一个原型人物参考，但他不肯透露是谁，叫大家估吓。

丁丁表示演「渣男进」最难就是要讲「我咁靓仔唔沟女嘥晒」这类对白。

丁丁演的极品渣男「阿进」，连他自己都觉得衰到无人有。

好惊打伤陈晓华耳仔

讲到虐打陈晓华，丁丁坦承相当难演，最怕整伤对方，「Hera块面真系异常地细，我对手系可以包晒佢成个人头，好惊一掴就会打中佢耳仔，对耳膜有影响，辛苦晒陈晓华，争佢好多餐饭。」丁丁剧透再遇「小美」一幕其实更难演，「我会以全新形象返嚟，再做一啲更不堪嘅事，系一个大反转，嗰场都好大压力，又系惊整亲佢，会有少少动作场面，要瞓喺条路难控制啲，大家值得期待。」

陈晓华块面超细，令丁丁好担心会打伤对方耳膜。

丁丁拍时都好心痛陈晓华，幸好大家够熟合作得更顺利。

丁丁剧透「渣男进」回归，仲会对「小美」不利，有传令对方惨死。

丁丁直言演完「渣男」已冇有怕，更有信心挑战更多不同角色，特别恨演「锺家宝」这类转变极大的角色，「等我问吓导演开唔开男版『阿宝』，我自荐做！」角色成功弹出，丁丁有信心再获提名「飞跃进步男艺员」，「今年唔系演技上嘅飞跃，系角色上嘅飞跃，试咗唔同嘅新嘢，年头有《青春不要脸》，对我系好大挑战，做戏嚟讲好大转捩点，加上《美丽战场》嘅渣男，如果提名多次『飞跃』都有信心嘅。」