吴林峰向许廷铿挑机 开骚唱《蚂蚁》一雪前耻

许廷铿（Alfred）与吴林峰即将于11月18日假湾仔会展举行《Music From Home 许廷铿 X 吴林峰音乐会》，两位歌手生于斯，长于斯，他们的人生以至音乐道路都离不开香港这个家，今次他们希望借音乐会主题「Music From Home」带出另一种家的体会。Alfred说：「近年因为疫情关系，好多朋友离开咗呢个地方，亦有可能有人计划紧飞走。我想将屋企嘅定义拉阔啲，希望当晚入嚟睇嘅观众谂住『咩系屋企？』，然后透过我哋嘅歌曲会有唔同嘅体会。」

邀老师入场克服阴影
不少歌手趁著开骚选择在舞台上突破自己，吴林峰也不例外，更要克服「童年阴影」，他透露在求学时期曾选唱Alfred的金曲《蚂蚁》参加歌唱比赛，怎料被歌唱老师叮出局：「我有次系K房唱完《蚂蚁》，好多朋友都话好听，话我把声好似Alfred，我就自信满满拣咗呢首歌去参加比赛！点知最后唔系输咗咁简单，系入唔到围呀，自此之后我就好唔锺意呢首歌，哈哈！」在「蚁洞」跌倒，就在「蚁洞」站起来！吴林峰预告将在音乐会上、在原唱面前，重新挑战《蚂蚁》，更邀请了当年把他淘汰的歌唱老师入场，誓要一雪前耻！
身为唱作人的Alfred与吴林峰，今次为音乐会破天荒联手炮制新歌，由吴林峰作曲，Alfred填词，并在音乐会上首次公开演唱。吴林峰坦言一直渴望写一首歌与对方合唱，希望「借歌敬fred」来感谢这位伯乐！他说：「真系好多谢佢比咗好多力量我，如果当时Alfred冇用到我首歌《雪糕》，可能我冇动力再写落去，我会选择去做社工，同小朋友唱吓歌就算。所以对于努力紧嘅人嚟讲，一份信任真系好重要。 」

这份「男人的浪漫」非笔墨可以形容，Alfred与好友郑欣宜自封「异父异母低能巨孖宝」，问到他们可有构思新封号？Alfred笑言：「我私底下就称呼佢做细佬，兄弟相称，不过我知佢打机有个好威嘅『朵』，叫『正面胶峰』！」

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ