独家丨张驰豪好享受帮其他歌手作曲 公开搲生意：想我写歌联络我

出身《声梦1》的张驰豪（Aska）在剧集《美丽战场》中饰演陈滢的初恋男友「家明」，令观众留下深刻印象。有剧拍之馀，第一首个人作品亦快将推出，话晒首次创作可以不受节目限制，Aska大胆尝试新风格，更以亲身经历做主题，仲老实话今次唔试唔知仲有冇下次机会。采访：杜杜 摄影：朱伟彦

Aska一直梦想做音乐，曾考不到心仪课程差点要放弃。

Aska第一首作品唔使跟节目及剧集，所以好想将追梦经历纪录下来。

Aska推出过好多自家作品，坦承全部跟剧集和节目有关，不过今次感觉大不同，「唔使跟剧情、唔使跟角色、唔使跟情绪，纯粹系自己谂到咩就试吓，可能系唯一一次机会咁样玩法。」于是他即试在香港比较冷门的曲风，「有少少EDM（Electronic Dance Music）嘅元素，唔系传统嘅广东歌嚟，都有少少惊同担心，唔知大家会唔会接受。」

Aska为《十八年后的终极告白2.0》创作主题曲《色彩背面》。

Aska没想到由美国返港参加《声梦传奇》，有机会入行做歌手实现梦想。

开始搵到演员的乐趣

由林若宁填词的新歌虽然未有歌名，但Aska已想好追梦做主题，他笑言追梦励志歌有点娘，但始终是亲身经历，好想第一首作品以此做主题，「当时报读音乐制作嘅课程，有几千个学生报名，但只收十几个，系一个拔尖嘅课程，我入唔到就转咗去读第二啲嘢，嗰时唔算放弃，只系将音乐摆喺旁边成为兴趣，估唔到今次返嚟就咁好彩，参加呢个比赛，可以做自己真系锺意嘅嘢，好感恩。」

Aska随时会创作，一有灵感便收录在电话内，已储了400多段。

入行后除了唱歌，Aska还有机会参与不同类型节目。

讲到剧集《美丽战场》，爱音乐的Aska直言开始搵到演员的乐趣，「入到戏嗰个感觉好开心，开始领略到演员嘅快乐系由边度出嚟，都想有多啲机会尝试唔同嘅角色，睇吓自己可以发挥到几多。」他更希望如拍《美》剧一样，有份演及唱埋插曲《没法等你》，「帮个角色嘅心声写首歌，几锺意做呢样嘢，希望以后有多啲机会。」他又透露好享受帮其他歌手写歌，仲公开搵生意，「写《复杂》畀Gigi（炎明熹），我谂自己唱一定唔会有呢个感觉，系好开心嘅，如果大家想我帮你写都可以，随时联络我哋啦！」

去年Aska首度拍剧，在《青春本我》演学生。

Aska在《美丽战场》饰演陈滢的初恋男友「家明」。

Aska首次帮别人写歌，就是炎明熹唱的《春青本我》插曲《复杂》。

 

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ