独家丨蒋家旻入行16年凭奸上位望争女配 演「反骨琪」太投入激嬲屋企人

蒋家旻在台庆剧《美丽战场》中演奸到出汁的「反骨琪」被激赞，虽然首次挑战大反派，但在导演叶念琛力推下入晒戏，戏里戏外都「锺家琪」上身，奉旨臭寸，她自爆拍摄期间被叶导「警告」唔好再冇大冇细，仲严厉提醒她勿对剧组冇礼貌。蒋家旻更入戏到连对住家人都好乞人憎，开到声不满她讲嘢太mean，为演好「贱精」角色疯狂得罪人。采访：方骞平 摄影：罗安强 服装：SUNCOO 发型：Jay Cheung @ Hair 场地：Studio Meta

蒋家旻为演「反骨琪」，拍摄期间性情大变，不知不觉变到好臭寸。

今次奸到上位，蒋家旻得到很大回响坦言有满足感。

蒋家旻骨子里有黑暗一面。

蒋家旻希望此剧能获「最佳女主角」及「我最喜爱电视女角色」5强提名，算是对自己入行16年的一个交代。

蒋家旻喜欢有发挥角色。

蒋家旻都想做女一。

32岁的蒋家旻凭《美》剧省靓招牌，剧中演绎心狠手辣嘅琪琪，除咗搞到冧佢嘅马老师(陈嘉辉)倾家荡产最后死埋，仲陷害继姐阿宝(陈滢)，害死继父(杜燕歌)，被网民封为「新世纪贱精」，导演叶念琛都话睇到心寒。蒋家旻希望此剧能获「最佳女配角」及「我最喜爱电视女角色」5强提名，算是对自己入行16年的一个交代。

被「傻强」董敬文大巴「车」埋去，大快人心。

被亲母杨卓娜掌掴，蒋家旻坦言系真打。

剧中被陈嘉辉强吻。

剧情要她打继姐都唔留手，陈滢要硬食一巴。

参考张家辉演人渣

今次奸到上位，蒋家旻得到很大回响坦言有满足感：「叶念琛信得过我，选我演呢个角色，佢觉得我骨子里有黑暗一面，其实我同屋企人闹交都会好激。」剧中有句对白「家咩姐啫！」最讨厌，她坦认取自张家辉于剧集《天地豪情》的一句经典对白，拍前叶导提供片段让她参考，她用家辉tone再加入个人风格，加多两份力再做得衰格及奸狡啲：「其实导演成日push我去到极致，有时放完两日假，佢就嫌我眼神变得柔和咗，提示我要凌厉返啲，笑容再要奸啲，所以拍摄时我冇睇Playback，我好信任佢，如果贱到人哋想打巴我咁就成功喇！坦白讲佢唔系写得咁衰，我唔可以做得咁尽情，系要互相配合，连自己睇返都觉得好正，好想知道之后有咩事发生。」

剧中有句「家咩姐啫！」成为金句，加埋个衰格表情，贱到想打巴佢！

「家咩姐啫！」对白，参考自张家辉于《天地豪情》中「甘量宏」一角。

机心样。

嘴藐藐。

蒋家旻表情丰富。

蒋家旻奸到出汁。

精湛演技。

为投入要孤立自己
由于拍摄期间太投入，蒋家旻不自觉「反骨琪」上身，臭寸到爆：「拍到第二个月，我同叶念琛讲嘢会变得冇大冇细，以前我会用斯文语调追问导演『可唔可以请食饭呀？』、『系咪叫外卖？可唔可以请我食？』喺嗰段时间我会粗鲁话『咁点呀？你系咪请我食饭呀？』、『我又食，系咪买外卖？』虽然佢知道我系入咗戏，唔系唔尊重佢，但佢都忍唔住同我讲『可唔可以唔好咁放肆去讲嘢呀？我真系惊咗你！」另外，收工攰爆返到屋企，蒋家旻不甘被家人问长问短，坦言变得唔耐烦及躁底，讲嘢都寸咗少少：「好似以前会话『唔使啦！』变咗『都话唔要呢个咯…』其实佢哋唔理解我，唔明点解我会变到咁八婆，我有时嫌烦咪唔出声罗，好彩拍到第三个月，拍晒啲大场面就回复返正常。」

叶念琛睇中蒋家旻有暗黑一面，安排她挑战大反派。

现实中投入到变得好衰格。

她又强调5位女主角陈滢、刘佩玥、陈晓华、朱晨丽都齐心协力，拍群戏时会畀戏互相帮助，唔使争出位：「我个角色keep住衰格，叶导叮嘱演员，开工时唔好同我倾咁多偈，所以拍完套戏同陈滢、刘佩玥及陈晓华都唔Close，只系好对手，冇计喎，我哋角色系敌对嘅，有太多嗌交，我要长期进入状态唔会倾到嘻嘻哈哈，只会食饭时倾两句，好似被孤立咁，其实只系受角色影响。」

蒋家旻只有食饭时间最放松，会同剧中其他演员倾吓偈。

戏内蒋家旻跟陈滢系敌对姊妹，所以戏外唔可以太Close。

蒋家旻同陈滢、刘佩玥及陈晓华冇不和。

陈滢、刘佩玥及陈晓华拍完此剧变咗老友。

《反黑路人甲》中演活外表硬朗，内心脆弱嘅黑帮大家姐，令观众眼前一亮。

蒋家旻于首担正的电影《第一次不是你》中有大胆演出。

蒋家旻同罗天字传过绯闻，她坚持唔想受恋闻影响形象，所以要审慎考虑才拍拖。

2020年获「飞跃进步女艺员」奖，是入行13年以来首个TVB奬项。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ