独家丨麦贝夷停食抗抑郁药冇再嬲翟威廉「炮友」已成历史靠益生菌踢走13磅

2022-10-10 07:00

36岁麦贝夷(Karene)年半前被「贱男」旧爱翟威廉视为「炮友」，嬲到终日以泪洗面，要睇精神科医生，靠药物去稳定抑郁情绪。最近她终于放下情伤，笑容再现，仲识得做「赛后检讨」：「我真系冇嬲过佢，因为嬲人只会伤害到自己，反而多谢之前所有伤害过我嘅人，否则不能成就到𠵱家进步嘅自己。」采访：方骞平化妆发型：Sarah Tam @ Tops Makeup

Karene跪坐泳池边，大晒S身形。

Karene采用健康减肥法，32C上围得以保存。

麦贝夷身材仲Fit过之前。

麦贝夷足足搣走13磅赘肉。

麦贝夷停食抗抑郁药。

身心已经康复嘅麦贝夷重新出发，换上三点式泳衣跪坐泳池边，大晒长腿及32C火辣上围，配上24寸小蛮腰加小腹肌，身材仲Fit过之前。原来3个月前Karene采用益生菌减肥法，由最高峰55KG(121磅)减至49KG(108磅)，足足搣走13磅赘肉，因为益生菌可提高免疫力，意外令她的情绪变得稳定，至今已停服中、西抗抑郁药：「之前有抑郁同焦虑症，喺唔稳定状态下要成日食嘢嚟减压，医生话呢行咁大压力，除非转行，否则都要继续食落去，但我又锺意做，变咗人生交叉点，最惨系食咗年几西药记忆力开始变差，仲试过『断片』，倒咗水入杯都唔记得，直至3个月前试吓新嘢，效果唔错，所以会拍片同大家开心Share，希望帮到同路人。」

身心已经康复嘅麦贝夷重新出发，换上三点式泳衣跪坐泳池边。

Karene采用健康减肥法，32C上围得已保存。

翟威廉年前成立咗「Happy Live艺人合唱队」，Karene曾经系常客。

Karene曾出Po指控「贱男」旧爱，仲留下生日日期做线索等大家去追查。

唔系为人哋而减肥

提到呢两年「炮友」不如意经历，令Karene判若两人：「经历启发到我要有『自救觉醒』，人生系活畀自己睇，要识得欣赏自己，唔系要俾人牵住鼻子走。以减肥为例，以前我为咗要得到人哋认同及掌声而减肥；𠵱家会随住自己心意，我锺意瘦咪瘦，瘦咗咪欣赏自己，因为瘦所以开心罗！原动力唔同，明显系相信自己多咗。」

Karene拍片分享走出情绪病经历，希望帮到同路人。

Karene亦有做空中瑜伽keep fit。

减肥前Karene体重超过120磅，好粗线条。

原先打算将经历撰写成书，但种种原因令计划暂时搁置。

Karene谂通晒，疫情下都有去做义工帮人。

瘦咗嘅Karene点食都得。

冇留意翟威廉作品

谂通咗嘅Karene多谢曾伤害过佢嘅人，她答得轻松：「咁人生梗系有高有低，我又唔系第一次拍拖，总会遇到一啲啱一啲唔啱嘅人。虽然佢行为好过份，但我冇嬲过佢，嬲人只会伤到自己嘅脑细胞，好冇价值，而且人生一定要对自己负责，哈！我唔系马后炮㗎！笑咗就算啦，咁当时，梗系会有啲唔开心嘅。」她再清晰地为自己做「赛后检讨」：「下次咪学精啲，手指永远指向人冇意思，因为改变唔到别人，只改变到自己，点解唔令自己更进步呢？」Karene强调唔会见过鬼怕黑，只要心态正面，就会吸引到对的人。最后追问她可有留意翟威廉演嘅戏？她带点尴尬说：「我少睇电视，咁我见到所有圈中人嘅努力，都会默默为佢哋打气加油。」