全城一叮｜「美女」露长腿擘髀一字马劲火辣 伍咏薇睇到尖叫真相竟然系咁
2022-10-08 14:00 
《全城一叮》昨晚播出第二集，最后登场的林子超变身「变装皇后」（Drag Queen）Lindylicious，赢得全场掌声，评判伍咏薇、蔡一杰睇到热血沸腾！林子超身穿黑色大褛背台出场，唱了几句就脱下大褛，露出金色假发，身穿黑色贴身衣加上闪片及墨绿色皮带装饰，下身则丝袜搭黑色高踭长boot，睇到全场哗哗声。造型出色，表演亦相当精彩，一轮劲舞加上口踢一字马、腿擘髀及侧手翻等高难度动作，成功晋级决赛。伍咏薇激赞：「呢啲咪表演罗！我真系爱上呢个女人！我冇错过你任何一个动作，我今日嚟做乜我都唔记得咗，我已经锺意咗你喇。」
【点击睇林子超「变装皇后」表演】：
节目出街后，林子超获得高度关注，他昨晚也在IG直播解说今次变身「变装皇后」的过程。林子超表示：「真系好惊，今次表演都几创新，香港电视台都冇认真咁做过（变装皇后），所以用咗好多时间筹备，搵咗好多朋友帮手。」林子超透露上台前化妆化了3个小时：「临出场先化好，我仲要整烂咗对丝袜，因为我之前冇着过丝袜，丝袜系啲线都烂晒。」在筹备过程中，他更试了4次妆、2次头，服装更是与设计师共度10个小时制作。
林子超表示希望可以令观众更认识「变装皇后」文化：「喺外国佢哋真系好劲，化妆、衫都系自己搞掂。」今次他为表演训练了一个月：「练习用高踭鞋跳舞，拣鞋都拣咗好耐，买咗四、五对，台上嗰对都系表演前两日先到香港。真系好多嘢练，我着高踭鞋畀个朋友话我好似男人咁，之后用咗好多时间上堂，要学习点着高踭鞋。」
林子超今日再在IG贴出长文，指过去12小时收到不时讯息和留言：「关注度系绝对超乎我所想象，感激你们每一位。」入行十年的他表示过去机会多，但似乎欠缺一点运气：「但好像作品之间的时间相距太长，没有承接。娱乐圈发展永远都不容易，太多的天时地利人和。过去追梦嘅日子，有无数次信心俾击破，失望，迷惘，但我从来都没有放弃。」林子超说：「多谢演员呢一个工作令到我可以不断挑战自己，演绎社会上唔同嘅角色。荷里活有《丹麦女孩》（Danish Girl），香港电影圈有翠丝（Tracy），相信大家一定会接受在电视圈嘅Lindylicious。我喺有限嘅资源入面尽咗最大嘅努力，希望大家会喜欢我嘅演出。」
【其他阅读】：
《残酷一叮》参赛者近况｜扮声达人发福登台狂掘金 莫生大个走样歌手梦碎
全城一叮｜性感「人肉风火轮」黄滢仴演过《爱回家》 IG泳装相曝光晒S身段
一文睇晒TVB台庆月强阵 陈滢《美丽战场》露背登场林敏骢二撇鸡造型现身处女剧
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应