陈滢遭同行笃背脊受力捧招妒忌 最想搵「上位小生」一夜情：佢真系好Fit
2022-10-07 16:00 
陈滢近日于TVB台庆剧《美丽战场》担正做女主角，演技获赞更被网民指是视后热门人马。早前于台庆55周年亮灯记者会中，陈滢拍大合照时被安排站在艺员首行的中间位置，被解读为备受TVB力捧。而日前陈滢于网上节目《月倾会》中接受林柏希访问，对于能否争赢视后抱随缘心态，「我知道叶念琛导演好想我攞（视后），佢仲想过我自己，所以我都同佢讲，唔好俾咁多压力我，我觉得随缘啦！」
至于被问到入行以来有否遇过感到委屈的事，陈滢自爆曾遭女艺人向高层「笃背脊」，陈滢表示：「佢上咗某个阿姐（高层）嘅房，喊晒咁话，我唔明点解要俾佢（演某剧集）罗，我喺度咁辛苦咁多年，佢又唔系咁好喎，听讲佢又成日迟到啦，佢又呢样嗰样……」笃背脊行为传返落陈滢耳中，「一定系听返返嚟，我觉得好多人都好锡我，知道真正嘅我系点样！」
【相关阅读】：美丽战场丨陈滢新海报企正C位地位超然 鲜红超低胸裙挥低其他女星
【点击逐格睇陈滢上《月倾会》】：
主演《美丽战场》谂起前男友
陈滢坦言主演《美丽战场》，由16岁演到40岁的确有难度，演落就明白叶念琛选她出演的原因，「因为有好多经历真系有啲似，我好记得我同Aska（张驰豪），Aska就系锺家宝初恋，我同佢嗰段关系，令我谂起我同我之前个男朋友一啲经历，同埋我哋嗌交嘅一啲位，似到我会打冷震！」不过她亦自爆戏外会故意跟Aska保持距离，全因怕传出绯闻，又庆幸这次拍剧没有传出绯闻，大赞自己叻女。
出道以来，陈滢绯闻不断，方力申、周嘉洛、罗天宇、温家伟、余德丞、陈家乐及黄宗泽等都是她的绯闻对象。节目中，林柏希向陈滢提出难题，要她在一众绯闻男友中选择「一夜情对象」、「老公」及「男朋友」，但陈滢选择的「一夜情对象」竟不是绯闻男友，「一定系朱敏瀚，因为佢呢排真系操得好Fit。男朋友我应该会拣周嘉洛，因为佢有好多话题、好多嘢讲，同埋好调皮，即系佢好有活力。老公我会拣罗天宇，因为结咗婚要make sure呢个（对象）系一世，佢又系好专一、好乖，同埋我好容易知道佢谂紧啲咩。」但最后亦解释不选择方力申做老公的原因，事关觉得对方是水瓶座，会好大男人。
【其他文章】：
美丽战场｜杨卓娜老公杜燕歌戴绿帽后嚎哭跪地 现实系韩马利老公曾是华星歌手
最新回应