uber taxi司机疑重复收车资 图呃婆婆100蚊遭孙女出po狂轰

坊间不时有评论指uber taxi司机良莠不齐，毁誉参半，近日有网民在fb 讨论群组中道出自身经历，引来不少网民回响。话说一名事主在周一（26日）带婆婆睇医生，召叫了uber taxi让婆婆在秀茂坪晓丽苑出发到旺角与她会合，事主已经碌卡付款。岂料婆婆与外佣到达旺角后，司机竟向婆婆再多索100元现金，犹幸事主见婆婆迟迟未下车即醒目上前了解，uber taxi司机才「回水」兼「走夹唔唞」，事主被激到「生虾咁跳」，爆粗狂骂司机「老人家钱都呃，因住收尾个（嗰）几年呀！」

有网民出po狂轰无良uber taxi司机。

召uber taxi前一般都已付款。

网民出示该uber taxi司机的资料，包括已行驶过300转的车程。

网民出示当日行程及收费证明。

事主在群组一开口便爆粗怒骂「揸uber taxi揸到你咁Ｘ街…」，然后诉说前因后果，「我带阿婆去睇医生，咁call uber比佢系晓丽出发，我系旺角等佢！已经通知左（咗）姐姐唔使比钱个司机！我企喺朗豪坊等佢落车，离远见到佢架车开左（咗）门，但系好耐都未落车，我即刻冲过去睇下咩事！」

「姐姐同我讲个司机叫佢比$100车钱！个司机话表$91，叫我阿婆比$100佢！」事主即刻狂骂司机，话已经用卡付了车费。但司机竟然说不知道，被事主狂轰「第一日出黎（嚟）揸Uber 呀？我即刻同佢攞返$100！个Ｘ街仲要大大声Ｘ返我转头，我叫佢咪Ｘ走呀！我要报警！」司机听罢即刻关车门，「仲要差啲夹住我只手！」事主不忿司机可耻行为，「老人家钱都呃！小Ｘ心啲揸车呀！因住收尾个几年呀！」

有网友亦不屑司机行为，见事主铺出该司机的行车转数，指责司机摆明呃钱，「 做咗超过300转都话唔知道收咗钱！」、收钱那里有不知道丫（吖），收完钱再收，见到 老弱妇孺便欺负。」有网友就叫事主记得同Uber CS（服务热线）投诉，可以即刻停止该司机接单。

有网友亦直指司机是「害群之马」，唔死都冇用。有的士司机行家亦不值同行所为，「我系开的士嘅都好愤恨呃乘客嘅同行，做坏晒（晒）成个行业个名，瘀血一定要清除，支持你一定要系（喺）uber apps里面举报佢，打Uber热线投诉佢，uber会停佢机，令佢Hk Taxi个apps都无得做，支持你！」

 

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ