古天后日志｜放寛入境亦无助港股大反弹

9月26日，大致天晴，日间天气炎热乾燥。美股上周跌势显著，道指周五再跌486点；标指跟纳指分别跌64点及198点；总括一星期，道指跟标指跌逾4%，纳指更跌逾半成。港股ADR跟黑期均见下跌，睇嚟今日港股又要低开。道指已率先跌穿6月底部，标指跟纳指同样回试6月低位。美股上月反弹，令唔淡友被挟至怀疑人生，但古天后已多次强调为熊市中反弹，唔使开心得咁早，而美股暂时亦难言见底。尤其系美债出现倒挂后，美股通常会见殂回落，以过往熊市经验，美股至少都要10月之后先有机会见底。

市场忧虑经济衰退，油价上周累跌超过7%，跌穿80美元，继续一浪低于一浪向下寻底，睇嚟好快要下试70美元水平。喺乌局势影响下，全球原油供应紧张，油价竟然拾级而下，可见投资者睇法几咁悲观。虽然油价急挫，但美汇指数续升，欧元兑美元跌至0.98，为20年嚟低位.。英国大幅减税，英镑亦仆直，跌至37年新低。英伦银行睇性嚟紧要加息稳住英镑。全球加息令信贷成本上升，全球已再无咁多平钱流动，资金流向美元，但美股喺受惠美元流入下仍要下跌，其他地区嘅股市仲要面对资金流出，压力更大。

人民币唔觉唔觉近日已跌逾一成，过去十年受惠欧美资金流入，中国企业已习惯借贷渡日，但今年开始资金由净流入变成净流出，人行喺目前情况下，亦未能大手松开银根救经济，中国企业市面对信贷紧迫，一旦处理不当，后果将十分严重。

港股失守3月低位18235，3月见此水平，成交达到3000亿元，但今次当港股跌穿19000水平，成交维持低迷，反映之前3月买货嘅资金，早于大市反弹至22000水平时安全逃生套现，所以目前已无护盘必要。喺再无新资金流入下，成交额持续萎缩，阴乾穿底令港股一厥不振。市场未见有新资金流入，而几只重磅蓝筹一直有大股东减持威胁，咁嘅氛围下，港股唔知靠乜嘢本事翻身。

虽然上周港府宣布略为放寛入境措施至0+3，但呢个举措能否吸引旅客访港，你知我知单眼佬都知，所谓嘅好消息未能刺激港股重返18000大关，反而消息宣布后再跌赠兴，喺全球股市疲弱下，港股亦无例外，18000随时由上周支持位，变成本周阻力。