吴浩康儿子出世喇 郭思琳阵痛足17小时连护士都赞忍得
2022-09-20 13:41 
吴浩康今年年初与前港姐郭思琳奉子成婚，今日终于传出喜讯，两人的囝囝已在本月14日出世，荣升爸爸妈妈！Deep今日透过公司公布喜讯：「BB系男仔。改名方面而家仲同爸爸磋商紧。太太原本谂住顺产，但系去到医院嘅时候个子宫颈仲未打开，未ready畀囝囝出嚟，医生建议落催生药。落咗催生药后会不时有阵痛，仲要系几犀利嗰种。太太一路承受住痛楚，医生同护士同佢讲子宫颈未ready，唔ready嘅程度系，人哋有一至十度，我太太系一度都冇，太太内心失望之馀亦都好担心，当然佢亦都好期待囝囝嘅出现，但始终冇呢方面嘅经验，所以就会担心啲，佢足足经历咗17个钟头嘅呢个状况。」Deep还称自己亲手剪脐带。
郭思琳的忍痛程度，Deep坦言连护士见到他都忍不住说：「其实你太太真系好忍得痛，佢可以咁样顶，仲顶咗咁多个钟。」有过生仔这经历，Deep很佩服太太：「真系好多谢佢，一啲都唔简单，希望我可以继续好好配合佢嘅生活啦，最后多谢大家、媒体对我哋一家人嘅关心、所有人对我哋嘅祝福，多谢晒。」
另一方面，新手妈咪郭思琳亦在IG分享自己做妈咪的心情：「呢十个月以嚟唔知幻想咗几多次你系点嘅样，一直知你系大码B，只系估唔到有份量成咁，亦估都估唔到自己肚仔可以佗到个8磅11嘅BB…怪唔知催生咗17个钟你都唔肯出嚟啦，原来系大件到出唔到嚟。」她又称整个生B过程令她痛不欲生：「最难捱嘅系好想顺产，但一直催生到开刀前都等唔到宫颈打开，净系不断地feel到剧烈阵痛…. 不过最后见证住你平安出世，呢样先系最紧要!（我仲好记得喺产房Deep爸爸听到你第一下喊声，佢开心到好似中奖咁成个弹起!）」
作为一个新手妈咪，郭思琳表示自己即使全无经验，但与Deep会尽量去学，尽量去做，用所有爱同耐心陪伴儿子长大，希望有一个开心嘅童年，最后她感谢医生和护士之馀，当然不忘感谢老公：「喺我痛到顶唔顺要闻住笑气等开刀嘅时候，有你喺我身边陪住我，呢个支持真系好紧要！多谢你喺我身边陪我一齐见证住撑撑出世！」
【相关阅读】：
港姐亚军发展赢冠军？张曼玉同届冠军衰全裸淡出 张秀文受力捧嫁金融才俊
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应