安达臣道塌天秤｜工友逃过大难：如果喺入面真系冇 好好彩 ！

安达臣道塌天秤造成两死多人重伤意外，有在场的工友坦言当时听到隆然巨响，往外查看时已发现天秤塌下，「见到压住个货柜，如果喺入面真系冇，未见过咁情形」，他又坦言对逃过大难感到「好彩」。

工友林先生是拆板工人，并不认识死者，死者应是机房工友，他指平时食饭时间会有4至5名工友在货柜内，货柜亦是给工友换衫地方，幸好未到食饭时间，否则货柜内应有更多人。他指工程开始不久，现在还在落石屎阶段。

事发时林先生在地盘另一位置，突然听到「嘭」一声巨响，「我仲以为塌棚架，听到啲人话『收工啦』出嚟见到天秤已塌下，压住货柜顶，我都惊惊地，如果喺（货柜）入面真系冇！梗系好彩，我老细话迟啲开返工要买只烧猪嚟。真系好彩！」

他直言若天秤「塌向地盘中央会好大镬！」他不敢推测天秤倒塌原因，「唔知原因，唔敢讲，唔清楚，咁大单嘢，要查清查楚，未见过咁情形，见到咁，系希望冇人喺入面，喺度就凶多吉少。」

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ