莫少聪细佬原来系主播罕有受访透露哥哥多年来身兼父职供书教学

2022-09-06 07:30

入行多年的莫少聪低调处理家事，但事实上多年来努力工作照顾家庭，供养细佬莫少康大学，现时他居于美国洛杉矶，担任电台DJ和凤凰卫视香港台主播。日前莫少康接受前港姐林颖娴YouTube频道访问，同样拥有一双大眼睛的莫少康，笑起来的样子与哥哥十足十饼印一样。

莫少康表示在14、15岁左右离开香港到加拿大生活，之后再到美国生活，与哥哥甚少见面：「好多人都会话『你两兄弟系咪成日都见面？』好老实讲，我同佢系好少见面，甚至乎好少倾电话，但系咪感情唔好呢？又唔系，由细到大，佢都好take care我，佢就好似我爸爸一样，因为我爸爸好早就离开咗，佢就身兼父职，都系佢供我读书，所以我好多谢、好感激阿哥。」

兄弟少见面「感情一般」

因为哥哥比他年长10年，再加多上他很早便入行，所以从小已经甚少见到哥哥：「其实我同佢一齐住只系两年几嘅时间，跟住我就去咗加拿大读书，虽然我哋好少倾偈，但当我有问题嘅时候，我先会搵佢，『阿哥，我有啲问题喎，可唔可以帮帮手解决？』佢会帮我，但我平时唔理佢，呢个系我自己衰，而家佢喺北京，我喺洛杉矶，间唔中会因为家庭嘅事会倾吓，但见面真系好耐好耐之前，对上一次见面已经系10几年。」

正因为这原因，莫少康用「感情一般」来形容兄弟间的感情，不过因两兄弟实在太相似，所以他一直被标签为「莫少聪细佬」：「其实我真系多谢哥哥，因为佢嘅名气，喺我嘅工作上都帮咗我好多，不过我都有啲隐忧，我由细到大系冇『莫少康』呢个名，我系日本人嚟架，叫『莫少聪细佬』。」

做名人细佬有难处

莫少康续说：「好似白姐姐（白韵琹），我访问过佢几次，佢永远喺嗰个咪度都系讲『聪仔、聪仔』，我想同佢讲『我系康仔』，但又唔好意思，搞到成个节目都系聪仔，呢个系做有名嘅人细佬嘅苦处，不过我都开心，起码我可以掹到我阿哥嘅车边，都有啲光彩。我仲好阿Q精神，如果我做错嘢，啲人都会入晒莫少聪数！」

在80年代出道的莫少聪，出道不久在电视圈已经深得观众欢迎，其后更吸引了不少片商的垂青，成为电影圈的红人，除了代表作《中国最后一个太监》及《黄飞鸿》系列饰演梁宽外，还有《最佳女婿》、《冲天小子》、《龙凤茶楼》、《带子洪郎》、《积奇玛莉》和《马路英雄》等等。感情生活亦相当多姿多彩，曾与上山诗钠拍拖，又与洪欣有一段情，但即使为他诞下儿子莫镐濂，两人最终分手收场。移居内地生活后，莫少聪与比他年轻28年的内地歌手孙云玲结婚，可惜仍告离婚收场，女儿莫芷嫣跟随父亲生活。