深水埗男童命案｜救人冲锋队员：放手就会一齐跌落去 好惊险

深水埗唐楼劏房今凌晨发生孕妇企跳揭发其5歳幼儿猝死惨剧，妇人企跳期间，双脚凌空半天吊在檐篷上，险象环生，幸得当时接报到场的消防员拼命捉着妇人双手，其后接报加入的警方西九龙冲锋队员阿聪，与消防员合力，终救起企跳妇送院，阿聪形容过程惊险，「如果唔系后面有人（消防）帮我，我分分钟同个女仔一齐跌落去！」

西九龙冲锋队员阿聪讲述救人过程。

阿聪当差13年，现任西九龙冲锋队第三队，今日凌晨接报到场，已见女事主站在檐篷外，「成个人离开咗檐篷位，消防好快捉住佢，我哋到咗楼上，间劏房锁住咗，要十几秒先break in ，听到消防大声叫个女人唔好（放手），消防捉住佢，我哋见到床上有个小朋友，我第一个冲入去探半身望见个女人，佢当时好冲动，似想轻生。」

阿聪续说：「消防员好辛苦，我同佢一人一边，好似烧鹅髀咁捉住个女人，佢两只脚垂低晒，离开晒檐篷，消防同我捉住佢，放手就会跌落去，最惨地方所限，其他人帮唔到手，大家又有手汗，个女人又有小小挣扎，情况惊险。可幸有云梯，有其他消防顶住我哋，最后消防升云梯上嚟，救咗个女人，过程约10分钟。」

企跳妇获救送院。

「我以前见过企跳，但只系support同事，做箭头系第一次，我想话畀市民知，见到有呢啲事，若第一时间阻止到最好，否则都要确保自己的安全，如果唔系后面有人帮我，我分分钟同个女仔一齐跌落去，大家要量力而为。」

 立即下载｜全新《星岛头条》APP：https://bit.ly/3yLrgYZ