56岁陈雅伦著跌膊低胸裙玩街拍约吴启华海俊杰大湾区High唱《吻别》

2022-09-03 08:00

56岁陈雅伦到内地生活咗两年，佢话「很想念香港的一切，一个我从小长大的地方！因为在内地，这2年上Facebook 和IG的次数也少了，大家可有想我呢？」再附上一段短片，着上跌膊低胸长裙嘅佢好靓呀，摆晒甫士，配上啲影相APP，感觉好有秋意。帖文仲有补充的，「8月初来到中山工作两星期，中山是个非常写意又漂亮的城市，空气很好，经常蓝天白云，人口只有4百万，有点台北及高雄的影子，感觉生活很写意，于是在街头拍了些宣传照和视频，这张随心街拍，大家喜欢吗？」

话佢少女又夸咗，但真系唔识老。

几靓。

呢张块面好似无咁重手。

边似56岁。

陈雅伦好多嘢问，问完有无挂住佢又问大家锺唔锺意，想答嘅自己碌入佢社交平台啦。之后再见到一段片，就系佢同吴启华及海俊杰一齐唱K，见佢哋声嘶力竭咁唱张学友首《吻别》，去到高音位个个块面都拉长晒，真系好投入呀。去到尾声，吴启华系咁挥手打招呼，然后陈雅伦介绍海俊杰，海俊杰又介绍返陈雅伦，话佢系新秀歌唱大赛嘅师姐。