Juicy叮｜少女食寿司离店揿机攞钱 竟两日未返 店家求报平安：我哋担心你出事

太子一间寿司店近日在社交平台发帖指，一名少女前日（8月30日）到店内光顾后，称无带钱需外出「揿机攞钱」，谁料一去不返，店家事后幽默发帖寻人：「......依家都未返嚟，我哋担心你出咗事呀......你系咪俾人捉咗去柬埔寨呀，安全嘅话，就返嚟报个平安同卖埋张单啦。」

店家发文表示，指该少女指身上无钱，于是向邻枱客人借现金，并表示会即时用转数快过数给对方，但当时未能成功，因此对方拒绝借款。之后少女向店家表示可以留下电话号码，当时即时出外「揿机攞钱」。

香港突发事故报料区(新版)FB图片

少女离店后便一直未返，店家昨日发帖寻人，至今已有两日未有消息，店家在帖文中表示：「出去揿机攞钱到依家都未返嚟，我哋担心你出咗事呀......安全嘅话，就返嚟报个平安同卖埋张单啦，两日内唔见，我哋唯有报警处理啦。」

香港突发事故报料区(新版)FB图片

网民均批评少女公然食「霸王餐」：「对呢D人真无语，睇到佢咁正常，估吾到做D咁低俗嘅事，真吾知去生存有咩意义，骗来骗去。」「好心啦，后生女，有手有脚，仲成身有肉，一睇就唔系贫穷户啦！」「冇带钱仲入去食嘢？」

不少网民则对于店家幽默的寻人方法大表赞赏：「可能佢唔记得返嚟，边区㗎，转发寻人啦。」「可能荡失路呢。」

来源：香港突发事故报料区(新版)FB

立即下载｜全新《星岛头条》APP：https://bit.ly/3yLrgYZ