杜如风贴24年前九一分界大学毕业照 网民赞端庄似陈方安生

47岁的「世界级港女」杜如风好锺意自嘲，之前出席活动大胆自爆自从被封「世界级港女」后已9年冇拍拖，坦认Dry到如海味一样，名副其实「风乾」 咗。

唔紧要啦，就算系海味都系贵价嘅海味，出身富贵嘅佢曾经留学东京，自细饮日本奶水大，所以大个咗就不断用金钱回馈日本。杜如风久不久都会PO旧相到IG话当年，最新有东京读大学嘅毕业照，当时只有23岁，「妈妈说当时我亭亭玉立，要好好栽培成才…. 可惜这个女儿已经坏透了，冇得救啦！」

杜如风好勇敢，咁都够胆贴出嚟。

陈年旧照上载后都几大回响，因为相中嘅杜如风梳住九一分界短发，着住深色背心连身裙，加上一对高跟凉鞋，娘味浓到可纳入「不想记起」名册，但网民都算锡住佢，留言唔算太口臭，话佢似山口百惠，仲赞佢端庄秀丽，甚至有啲似陈方安生添。

张相放喺连登，留言应该贱100倍。

 

立即下载｜全新《星岛头条》APP：https://bit.ly/3yLrgYZ