陈晓东在港开骚有未知数心情忐忑两个囡囡北京返学未能陪伴左右

2022-08-29 17:00

久未在港露面的陈晓东，今日到新城电台接受访问。将于9月3日踏入47岁的东东，获电台送上生日蛋糕，东东表示生日当日将会在工作中渡过，而愿望则是希望将于10月底举行的演唱会能顺利举行。已返港两星期的东东，表示已排队进行两次核酸，而今次返港的目的，除了因10月底举行的演唱会外，亦会灌录广东歌：「希望可以做返多啲广东歌，而家会一首一首咁去做，希望10月22日喺西九龙举行嘅户外演唱会可以唱畀大家听。」

东东指演唱会原定在9月举行，不过因不同的原因延期，又坦言现在心情忐忑：「熟经验但因为好多事都转变，所以唔熟环境，好多嘢都好新鲜。」更指演唱会暂定举行一场，若反应好的话就会考虑加场。

香港嘅歌迷真系好耐冇见喎。

获电台方面送上蛋糕预祝生日。

已有3年没回港的东东透露因开骚关系，故今次会在港逗留至10月底：「有太太陪我，至于两个囡囡因要开学，所以留喺北京由我妈咪照顾，迟啲妈咪返香港，太太就飞返北京陪佢哋。」东东又指已有一段时间没见过两个囡囡：「之前去三亚做嘢去咗几个月，有返咗去一次，两个女都惯嘅，佢哋依家一个8岁一个7岁，系我唔惯，每次见佢哋都大个咗。」至于会否再生多个，东东就笑指老婆不太愿意：「之前返香港畀人影到话似有第三胎之后即刻发奋减肥，修咗身都唔想肥返。」