罗子溢38岁生日陪子女玩水庆生 杨茜尧祝贺老公愈来愈型仔

杨茜尧（前名杨怡）与老公罗子溢（前名罗仲谦）结婚5年，前年4月诞下爱女小珍珠，去年12月诞下幼子，凑成一个「好」字，夫妻生活美满，不时喺IG分享与一对子女嘅生活日常。昨天系罗子溢38岁牛一，仲系19年一遇，新旧历同一日，罗仲谦分享两公婆陪年幼子女玩水嘅温馨庆生图片，留言「快乐就系咁简单。」相中两公婆喺私家花园内为两小姊弟搭建咗个私人泳池，杨茜尧租住嘅大埔豪华别墅式屋苑，附设嘅寛敞私人花园亦意外曝光。

 

罗子溢婚后好重视家庭。

 

杨茜尧租住嘅大埔别墅式屋苑，附设寛敞私人花园亦意外曝光。

充气恐龙泳池系淘宝货

喺单亲家庭长大嘅罗子溢自从与杨茜尧结婚后，无时无刻都以家庭为重，就算生日都以子女行先，炎炎夏日，就喺私家花园内搭建咗个私人泳池，同一对宝贝子女嬉水庆生，池边除咗有波波外，仲有恐龙公仔，置身其中啱晒小朋友，重点系唔使出去同人迫。不过，竟有眼利网民留意到，放置后面位置嘅恐龙游玩中心，其实只系600蚊「人仔」就有交易嘅淘宝货，可见两公婆即使住得有几豪，也懂得知悭识俭。

恐龙充气泳池600蚊「人仔」有交易。

 

别墅式屋苑有无敌大海景，住得相当舒适。

 

昨天系罗子溢38岁牛一，仲系19年一遇，新旧历同一日。

 

对于老公生日，杨茜尧留言，happy birthday，我家大人细路祝你身体健康，一直一直咁靓仔，一直一直咁有型，一直一直咁开心，sweet到爆。

 

两公婆租住大埔别墅式屋苑。

 

两公婆经常放闪。

 

罗子溢抱住「前世情人」一脸满足。

 

小珍珠愈大愈靓女。

立即下载 | 全新《星岛头条》APP : https://bit.ly/3yLrgYZ