林家谦曾收欣宜爆喊电话以为做错事 获赠增高鞋垫：屋企好多

林家谦《Summer Blues 演唱会》昨晚（26日）开到第5场，请来郑欣宜及郑中基任嘉宾。欣宜与家谦合唱《救命歌》又独唱了新歌 《Glitterfalls》，两人于台上拥抱，欣宜表示：「其实我好多谢你写《救命歌》畀我，第一次收到呢首歌，感觉上好似有一个人话我听，我睇到你，听到你个心入面谂紧咩。」讲完更眼湿湿想喊，家谦即上前再安慰，「我当时去紧日本旅行，收到你打电话来喊，我也重以为自己做错咩事，吓死我……」欣宜喊住称：「你首歌好似有一个人摸住我个头，呵住我咁。」

 

郑欣宜担任林家谦第5场红馆骚嘉宾。

 

接着欣宜表示用了很多时间，谂定份礼物带上来送给家谦，最后揭晓是一对「增高鞋垫」，家谦笑言屋企已经有好多「增高鞋垫」。欣宜表示：「增高鞋垫同你的歌一样，男女合用。最重要系佢可以为你加长个人系咪？祝你以后开骚都似个鞋垫咁，不停加场再加场呀！」

 

郑欣宜送上增高鞋垫给林家谦。

郑欣宜更唱出新歌 《Glitterfalls》。

而郑中基则与家谦合唱《闭目入神》及《 My only one》，郑中基表示：「恭喜晒，我记得旧年我演唱会邀请佢做嘉宾，我记得我讲过，你食多啲嘢，一号风球将你吹走，今日好开心，八号风球你都仲喺度，证明你大只咗，真系乖仔啦！」另外郑中基以月饼做礼物送给家谦，家谦都表示完骚会即刻食。

 

昨晚（26日）另一位嘉宾是郑中基。

 

郑中基在台上分享，爱女平时不听中文歌，连他的歌也不听，只听家谦的歌，似乎有些吃醋，「重要系佢自己搵来听，我出返来唱歌，因为我个女，我出番来写歌，就系因为你林家谦。因为你有咁多咁好听的歌，唔同style，搞到我都好想写吓歌。所以我今年先会做碟先，邀请家谦同我一齐写，我写半只，佢帮我写埋下半只，睇下有冇机会合唱。」现场观众都期待二人的合作。

 

郑中基送月饼给林家谦。

 

郑中基指爱女只听林家谦的歌。

 

立即下载 | 全新《星岛头条》APP : https://bit.ly/3yLrgYZ