独家丨胡慧冲曾被利诱到缅甸推广旅游 卖猪仔猖獗《冲游泰国7》被抽起

近日柬埔寨诈骗案成关注焦点，泰国被指是「贩卖人口」嘅中转站，吓窒旅客，处于敏感时期，J2临时抽起由胡慧冲(Roger)主持嘅《冲游泰国7》，改播由「读心专家」松明、黄庭锋及陈圣瑜主持嘅《破解读心理》。Roger尊重公司决定，强调《冲游7》系介绍最Update嘅资讯，就算迟啲出都唔怕Out。采访：方骞平

胡慧冲在《冲游泰国7》介绍最update嘅资讯。

《破解读心理》首两集嘉宾有冯盈盈。

《冲游泰国7》由「泰国通」胡慧冲率「冬荫家族」到曼谷、清迈、芭堤雅取景，介绍当地最新景点及酒店，甚至出海钓墨鱼等，对于节目被抽起，Roger唔失望：「本身系分两part出，迟啲咪一次过推出罗，我唔担心俾其他电视台抢播泰国旅游特辑，大家做法都唔同，我哋以最新资讯性为主。」

《冲游7》由胡慧冲率「冬荫家族」到曼谷、清迈、芭堤雅取景。

年少无知吓餐死

提到泰国嘅最新情况，Roger表示一切如常：「爆出『贩卖人口』案件前几个月，我仲去咗泰北近金三角地带嘅landmark，帮泰国旅游局拍宣传片，嗰度过咗条河就系缅甸，其实时不时会捐窿捐罅去拍嘢。」几年前Roger曾接获邀请，力邀他到缅甸一个月推广当地旅游，仲话酬劳有商量：「印象最深刻个讯息系写简体字，不过我冇谂过喺当地发展就婉拒咗，谂返转头觉得自己唔贪钱，好好彩，否则行差踏错就大件事。」

月前Roger去咗僻静嘅泰北，近金三角地带landmark拍宣传片。

位于Landmark一河之隔就系缅甸。

Roger又透露年少无知，试过为咗停留泰国，选择最快途径于相邻嘅柬埔寨过境：「当时我竟然好随意咁将护照交畀一个着住制服嘅陌生人，直至对方消失咗好耐，我先开始识惊，好彩最后佢出现返，否则返唔到香港，留落街头唔知点算好。」

多年前曾跟蒋怡为亚视去缅甸拍旅游节目。

Roger曾游历柬埔寨。

多年前Roger柬埔寨留影。

Roger喺柬埔寨有段惊心动魄故事。

当年Roger为咗停留泰国，选择最快途径于相邻嘅柬埔寨过境。

胡慧冲系泰国旅游达人，之前跟「布吉妹」为泰旅局拍推广片段。

立即下载 | 全新《星岛头条》APP : https://bit.ly/3yLrgYZ