仁爱堂丨泳儿Gin Lee做《声梦2》导师劲上心 每日瞓几小时试过向学员发脾气
2022-08-21 13:15 
李幸倪（Gin Lee）与泳儿昨晚（20日）到电视城为《善心满载仁爱堂》担任表演嘉宾，同是《声梦传奇2》的导师的她们更有合唱环节。提到《声梦2》时，两人不约而同表示近期为了帮一班学员准备致每天无觉好瞓，Gin Lee解释是因为每次比赛完，几位导师便即时要帮学员准备下回合，故每天只睡4、5小时致严重睡眠不足：「因为时间好紧迫，我哋想争取时间，想尽快帮佢哋拣歌畀佢哋练习。」
至于泳儿就则表示已捱了几日通顶，每天要到早上8点才睡，每日只睡2、3小时的她坦言为了一班学员呕心沥血，而且更搞到男友投诉：「佢话驶唔驶咁着紧，试过有个学员话喉咙唔舒服，佢（男友）话『咁都关你事？』我话喉咙同唱歌有关。我有7个人要照顾，我要一打七，要花好多时间，但我都开心嘅，因为同佢哋冇代沟，佢哋又好勤力，好肯去尝试去做，我个心态系，希望留得佢哋几耐得几耐，如果佢哋被淘汰，我会崩溃。」问她如何𠱁男友？她指10月会开演唱会，而开骚当日正是男友的生日，到时会安排对方看演唱会，问到可会邀请男友上台，她笑说：「佢冇乜技能喎！不过之后会同佢补祝，最多嗰日一齐合唱生日歌畀佢听， 都真系要𠱁番嘅。」
Gin Lee表示教每个学员都要花时间和心思，因为他们年纪小及要上学，又指自己虽然有工作，但亦会将学员放在第一，问她是否不敢对学员太恶，她就直言有次因觉得学员不够勤力而忍不住发脾气：「我哋几位导师仆心仆命陪佢哋彩排到凌晨一点，好畀心机教佢地，但佢哋仍然话冇信心，嗰吓我就有少少劳气，我同佢哋讲『你哋唔可以咁，我唔系嚟做保母，我哋系导师，帮你哋提升音乐上嘅嘢，如果你哋咁唔珍惜，我就唔做』，自从嗰次之后佢哋个心态就180度转变。」问她以后还敢不敢做导师，她就笑言要慎重考虑。至于泳儿则指曾为学员不覆机而发脾气，她説：「我发现啲小朋友系选择性覆机，我唔系强迫症要你即刻覆，冇理由全日都唔覆，呢样嘢我觉得要调教小朋友，我嗰次讲出嚟之后系有改善咗，可能依家见到我嘅讯息会好惊。」
立即下载 | 全新《星岛头条》APP : https://bit.ly/3yLrgYZ
最新回应