仁爱堂丨草蜢10月红馆开演唱会身经百战舞台零机关都唔怕：咩场未跳过

2022-08-21 12:45

草蜢昨晚（20日）到电视城为《善心满载仁爱堂》担任表演嘉宾，已在香港5年没开骚的他们透露10月底会在红馆举行演唱会，但场数暂不方便透露。

由于早前MIRROR演唱会发生严重意外，故他们坦言今次舞台设计仍在研究中：「好多嘢好早已经计划好晒，所以而家都有好多嘢修改紧，我哋只需专注练歌、练舞同记歌词就得。」问到舞台到时候是否没有机关？他们说：「我哋好乖，会跟足指引，要睇吓政府最新指引，因为最近出嘅指引暂时去到9月尾，我哋个唱系10月。（如果真系唔畀有机关？）我哋有舞，唔怕，我哋咩场未跳过，一出道咩舞台都涉猎过，难唔到我哋草蜢，最紧要系大家睇得开心。」又谓每次都会花很长时间做彩排，「我哋由农历新年后已经准备演唱会，因为要编歌同编舞，所以要好早做。」并指临开骚前亦会找地方画一比一舞台去练习。

蔡一杰已为演唱会创作主题曲，今次个唱则会以「RE」为主题，到时会让大家看到全新2.0的草蜢：「隔咗几年冇开骚，大家都饿咗个舞台好耐，我哋会将啲歌重新编曲，将呢几年嘅闷气、烦厌嘢一次过放出嚟。」至于到时是否会以实名制卖飞，他们表示只负责创作部份，行政部份就交由公司处理。