独家丨汤洛雯马国明sweet爆睇日落 「心心相印」靓相由高Ling操刀

48岁马国明与35岁汤洛雯（靓汤）的「汤马恋」在2020年6月公开认爱，大家都觉得2人好登对，不时催婚。靓汤今日突然在社交平台上载一张，与男友马国明一齐睇日落的靓相，二人在剪影下做出「心心相印」手势，靓汤更以一个心形emoji表达爱意，甜蜜度爆灯。马国明的好兄弟黄嘉乐秒速留言赞「sweet」，蔡思贝更写著：「唯一的爱，平静的爱，热烈的爱」。

 

呢张「心心相印」靓相，真系甜蜜度爆灯！

蔡思贝写著：「唯一的爱，平静的爱，热烈的爱」。

 

「汤马恋」拍拖2年多，经常被人催婚。

 

有网民猜测2人是否有喜事要宣布，《星岛头条》联络马国明，他以短讯回覆：「不如，你问佢（靓汤）啦……佢post嘅……🤣😂🤣😂🤣」。而女主角靓汤亦觉得大家太敏感：「唔系呀！唔好次次都联想结婚啦😅。纯粹好耐冇影相，post下相啫。」她透露与朋友出海玩，这张靓相是由高海宁操刀拍摄，她说：「张相高Ling影㗎，难得捕捉到Magic hour，好靓先分享吓啫。」

 

一班朋友游船河。

高Ling都有份出海，「汤马」张浪漫靓相，就系由佢操刀。

高Ling都有影日落相，唔知佢几时有机会同另一半一齐影呢？

 

立即下载 | 全新《星岛头条》APP : https://bit.ly/3yLrgYZ