独家丨193冇为红馆意外发声被狙击大笑叫咪阻佢：回覆黐线佬系我乐趣

2022-08-12 17:40

MIRROR的红馆演唱会事故发生至今已经两星期，12子早前在社交网相继发文，惟鲁庭晖与主办方之一兼MIRROR经理人公司MakerVille一直保持沉默，昨日（11日）更被一群镜粉指他们「龟缩」。而向来敢言的ERROR成员郭嘉骏（193）亦无辜被牵连，有一批网民在一个经常反ViuTV的群组，Po出向193私讯挑机的Cap图，可见网民以不礼貌的粗俗文字和态度，大骂193为何未有为意外发声，引得193本人回覆，并与多位网民掀起骂战，其中有网民指193：「你条傻西瓜平时寸过码头咕哩，而家做潜水镜，同12件垃圾一X样，无X用」、「X头，平时唔系好X寸嘅咩？唔系好X多嘢讲嘅咩？而家出咗事就龟缩唔X蒲头啦，你老母生你呢个XX仔，见高拜见低踩，吔屎啦你！」火气十足。

ERROR的193（右一）一向敢言，有网民质疑他今次未有为MIRROR红馆骚事故发声。

MIRROR演唱会日前发生严重意外，12子现正停工。

面对无理取闹的辱骂，193亦不甘示弱，向网民逐一还击表示：「你连『潜水镜』同『潜水』都未分得清，幼稚园毕业未？」、「你系咪戆X，我唔系时事评论员，我锺意讲乜就讲乜㗎啦，关你X事咩，废柴键盘战士」，双方在言谈间都包含粗口。在双方对话截图于网上疯传后，大部份网民都认为主动私讯193的网民行为无聊幼稚，亦支持193反击！直言「PM佢嗰个都几无聊」、「以事论事，今次193无问题喎，PM条友白卡先撩者贱！」

呢位网民言论非常粗俗。

疯狂提及妈妈……

193称连日收到好多狙击他的DM。

《星岛头条》记者就此事向193本人查询，193回应：「突然有大量『白卡佬』DM我，以我理解，应该全部都系嚟自一个反我哋电视台嘅群组。我唔介意佢哋DM我同我理性讨论，但系佢哋每个DM我嘅人一开口就粗口烂舌，问候我屋企人咁，咁我惟有用相同语言回覆佢哋，迎合返佢哋嘅水平。」193又表示亦收到好多支持者私讯，叫他不要生气，甚至不要回覆，并感谢粉丝的支持，他续澄清表示：「我冇嬲，其实私底下成日会同朋友分享呢啲黐线讯息，然后睇完一齐大笑，呢个世界真系好多黐线佬、无理取闹嘅人，回覆呢啲黐线佬系我嘅乐趣嚟，唔好阻止我。」